Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Одговори за патниците во врска со COVID-19

    Дознајте како ве поддржуваме со флексибилни опции за патување, почисти сместувања и друго.
    Од Airbnb на 10 мар. 2020 г.
    Четиво од 7 мин.
    Ажурирано на 25 јун. 2021 г.

    Знаеме дека сѐ уште постои голема несигурност во врска со COVID-19 и дали тоа ќе влијае на вашите планови за одмор кога патувањето повторно ќе започне во наредните месеци. За да им помогнеме на патниците, ги следиме вашите прашања и одговараме на некои од нив тука. Ќе продолжиме да ја ажурираме оваа страница како што се развива ситуацијата и како што повеќе одговори стануваат достапни.

    Треба да го откажам патувањето. Кои се моите опции?
    Домаќините ги поставуваат правилата за откажување и може да се разликуваат. Може да најдете детали за правилата за откажување на секое сместување на главната страница на огласите или во делот „Патувања“ на веб-страницата или апликацијата на Airbnb за вашите постоечки резервации.

    Парите нема да им бидат вратени на гостите што направиле нова резервација по 14 март 2020 г. според „Полисата за непредвидени околности“ ако откажат поради COVID-19, освен ако не се болни од COVID-19. Дознајте повеќе за нашата „Полиса за непредвидени околности“.

      Сакам да резервирам патување, но не знам како ќе продолжи да се развива ситуацијата со COVID-19 или со меѓународните ограничувања за патување. Што да направам?
      Разбирливо е дека можеби се чувствувате несигурни во врска со резервирање идни патувања во моментов. На сите гости внимателно им препорачуваме да ги разгледаат правилата за откажување на секоја резервација што ќе ја направат и да изберат сместувања што обезбедуваат прилагодливост. Додадовме филтер за да ви овозможиме полесно да пребарувате сместувања со „Прилагодливи“ правила за откажување. Исто така, ги создадовме овие материјали за да им помогнеме на патниците да дознаат повеќе за опциите за патничко осигурување од трета страна. Парите нема да им бидат вратени на гостите што ќе направат нова резервација по 14 март 2020 г. според „Полисата за непредвидени околности“ ако откажат поради COVID-19, освен ако не се болни од COVID-19.

      Како да најдам сместувања со „Прилагодливи“ правила за откажување?
      Додадовме филтер за да ви овозможиме полесно да пребарувате сместувања со „Прилагодливи“ правила за откажување. Дознајте повеќе за филтерот. Имајте предвид дека домаќините ги поставуваат правилата за откажување и дека може да се разликуваат. Може да најдете детали за правилата за откажување на секое сместување на главната страница на секој оглас.

      Каде може да најдам повеќе информации за локалните ограничувања и совети за патување?
      Многу заедници издадоа локални совети за патување или привремени ограничувања во врска со сместувањата (кои вклучуваат и краткорочно изнајмување). Препорачуваме да ги проверите локалните ограничувања и совети за патување за да дознаете дали тие можат да влијаат на вашиот престој.

      Не можам да добијам враќање на парите според правилата за откажување на мојот домаќин. Зошто?
      Airbnb е заедница на гости и домаќини кои се здружуваат преку платформата. Домаќините ги одредуваат цените што ќе ги наплаќаат, конкретните правила за сместувањето и правилата за откажување. Може да најдете детали за правилата за откажување на секое сместување на главната страница на секој оглас или во делот „Патувања“ на веб-страницата или апликацијата на Airbnb за вашите постоечки резервации. Во многу случаи, домаќините се потпираат на својата заработка од Airbnb за да врзат крај со крај, поради што може да им биде тешко да прават исклучоци од нивните правила.

      Домаќинот штотуку ми откажа. Што ќе се случи сега?
      Свесни сме дека откажувањата може да бидат вознемирувачки, дури и кога се случуваат од разбирлива причина. Имајте предвид дека многу домаќини кои откажуваат резервација може да се погодени од COVID-19 или дејствуваат на начин на којшто помагаат во заштитата на благосостојбата на целата наша заедница.

      Ако домаќинот откаже, можеби ги исполнувате условите за целосно враќање на парите. Проверете го делот „Патувања“ на веб-страницата или апликацијата на Airbnb за детали во врска со враќањето на парите.

      Ако сѐ уште треба да патувате, се надеваме дека ќе изберете повторно да резервирате преку Airbnb.

      Какви протоколи за здравје, безбедност и чистење има за гостите и домаќините за време на престојот?
      Безбедноста на нашата заедница е главен приоритет, затоа создадовме група на задолжителни безбедносни практики во врска со COVID-19 како за домаќините, така и за гостите на сместувањата на Airbnb врз основа на упатствата од експерти како што се Светската здравствена организација и Центрите за контрола и спречување на болести на САД. За да бидете поспокојни, домаќините низ целиот свет се обврзуваат на ажурираните практики за безбедност и чистење поврзани со COVID-19. Дознајте повеќе тука.

      Неодамна, се тргнавме од глобалните барања за носење маска и социјално дистанцирање. Наместо тоа, почнуваме да ги замолуваме домаќините и гостите да ги следат локалните закони и упатства бидејќи Airbnb има сместувања низ целиот свет и различни заедници се во различна фаза во борбата за спречување на COVID-19. Препорачуваме да ги проверите општите упатства за здравје и безбедност поврзани со COVID-19, да ги следите важечките владини ограничувања и совети за патување и да ги следите сите национални и локални упатства кога патувате.

      Сакам да резервирам доживување на Airbnb што се одвива на лице место. Што треба да знам?
      Повторно ги отворивме доживувањата што се одвиваат на лице место на локации каде што тоа е дозволено и воведовме упатства за здравје и безбедност кои бараат од домаќините и гостите да носат заштитни прекривки за лице и да практикуваат социјално дистанцирање кога тоа се бара од локалните закони или упатства. Бидејќи владините ограничувања се менуваат, можеби ќе мораме да ги паузираме доживувањата во регион во кој повторно сме ги отвориле и ќе ве известиме ако тоа се случи. Во случај да сте резервирале доживување кое се одвива на лице место на локација што е паузирана, ќе добиете ваучер од 25 долари за да се придружите на доживување во иднина. Дознајте детали за повторното отворање

      Ако сакате да учествувате на доживување што се одвива на лице место само со вашата група, размислете за приватна резервација. Ако доживувањата што се одвиваат на лице место сѐ уште не се отворени во вашата заедница, разгледајте ги нашите онлајн доживувања. Без разлика дали сакате да научите нова вештина, да се поврзете со пријателите преку забавна активност или да пробате вежба за зближување на тимот со вашите колеги, сега тоа може да го направите од безбедноста на вашиот дом. Од учење на тајните на магијата преку готвење со мароканско семејство до медитација со будистички монах, веќе постојат толку многу онлајн доживувања што може да ги истражите.

      Дали гостите мора да ги следат безбедносните практики на Airbnb во врска со COVID-19?
      Бидејќи пандемијата и понатаму трае, важно е сите да дадеме сѐ од себе за да помогнеме и да го спречиме ширењето на COVID-19. Имајќи го ова предвид, воведовме задолжителни безбедносни практики кои мора да ги следат сите во Airbnb заедницата, врз основа на упатствата од здравствените експерти, како што се Центрите за контрола и спречување на болести на САД. Како дел од безбедносните практики, и гостите и домаќините мора да се согласат – кога тоа се бара од локалните закони или упатства – да носат маска или прекривка за лице кога комуницираат во живо и да практикуваат социјално дистанцирање.

      Резервирав сместување на Airbnb за настан кој е откажан. Може ли да ја откажам резервацијата?
      Знаеме дека многу од нашите патници резервираат сместувања на Airbnb за настани. Ако настанот на кој планирате да присуствувате е откажан и вашата резервација не е покриена со нашата „Полиса за непредвидени околности“, проверете ги правилата за откажување на вашата резервација. Исто така, слободно контактирајте директно со домаќинот.

      Каква е „Полисата за непредвидени околности“?
      „Полисата за непредвидени околности“ на Airbnb им дава на гостите и домаќините опција да откажат без трошоци ако се погодени од работи како што се сериозни повреди или болести, природни непогоди, ограничувања за патување и други непредвидени настани. Парите нема да им бидат вратени на гостите што ќе направат нова резервација по 14 март 2020 г. според „Полисата за непредвидени околности“ ако откажат поради COVID-19, освен ако не се болни од COVID-19. За да ги истражите достапните опции за откажување на резервацијата, посетете го делот „Патувања“ на веб-страницата или апликацијата на Airbnb.

      Резервирав имот од категоријата Airbnb Luxe. Дали имам покритие со „Полисата за непредвидени околности“?
      Нашата „Полиса за непредвидени околности“ не важи за резервации на Airbnb Luxe коишто подлежат на посебни „Правила за враќање на парите на гостите“ во категоријата Luxe.

      Дали има дополнителни материјали со помош на кои ќе можам да се информирам кога ќе патувам?
      За најнови информации во врска со ограничувањата и упатствата за патување, разгледајте ги овие материјали.

      За да помогнете да се забави ширењето на COVID-19, може да ги преземете апликациите „Известувања за изложеност“ на вашиот телефон. Овие апликации од трети страни, развиени од јавните здравствени власти ширум светот врз основа на технологија од Google и Apple, ве известуваат ако сте биле во близок контакт со некој кој е позитивен на COVID-19. Дознајте повеќе за „Известувањата за изложеност“, нивните практики за приватност и како да добивате известувања.

      Имам уште прашања. Со кого да контактирам?
      Поради широкото влијание што COVID-19 го имаше врз патувањето на глобално ниво, нашиот тим за поддршка на заедницата сѐ уште прима исклучително голем број повици и пораки. Ако вашата ситуација бара итна помош од член на тимот за поддршка на заедницата, секогаш може директно да нѐ контактирате преку апликацијата.

      Одговорите на многу од вашите прашања може да ги најдете и во некои алатки за самопослужување што ги развивме за полесно да ги решите проблемите сами. Посетете го овој материјал за најнови информации во врска со ограничувањата за патување или „Центарот за помош“ за повеќе материјали и информации.

      Знаеме колку COVID-19 ги наруши патувањата за гостите, затоа сме тука да ви помогнеме. Ви благодариме што соработувате со нас за да помогнете во заштитата на безбедноста и благосостојбата на нашата заедница.

      Информациите што ги содржи статијава може да се променети по објавувањето.

      Airbnb
      10 мар. 2020 г.
      Дали ова беше корисно?

      Можеби ќе ви се допадне и

      Можеби ќе ви се допадне и

      Разгледајте повеќе теми