Искористете сѐ што нуди јазичето „Пораки“

Јазичето „Пораки“ е вашата пошта на Airbnb. Ги става сите ваши пораки за угостување, патување и поддршка на едно место. Функциите во јазичето „Пораки“ ви овозможуваат:

• Филтрирање пораки и пребарување низ вашата пошта.
• Испраќање и закажување пораки, вклучувајќи ги и однапред напишаните шаблони наречени брзи одговори.
• Комуницирање со секој гостин на одредена резервација во еден разговор.
• Започнување одговори во еден разговор за да ги одржите разговорите организирани.
• Уредување и откажување на испратените пораки.
• Користење потврди за прочитани пораки за да видите дали гостите ги прочитале.
• Реагирање на пораките со емотикони.

Стандардниот приказ ги прикажува сите ваши пораки на Airbnb. Изберете „Угостување“, „Патување“ или „Поддршка“ за да ги филтрирате пораките по вид.

Во „Угостување“, може да ги примените овие дополнителни филтри:

• Делот „Непрочитани“ ги содржи само неотворените пораки.
• „Етапата на патувањето“ ги подредува пораките според барањата за резервација, претстојните резервации, оние што во моментот се угостуваат или минатите резервации.
• „Огласи“ ги организира пораките по оглас ако имате повеќе.
• „Означени како важни“ ги прикажува само пораките што сте ги означиле со ѕвезда.

Ако имате кодомаќин, ако сте Супердомаќин-амбасадор или домаќин на Airbnb доживување, ќе ги најдете овие филтри во јазичето „Пораки“:

• „Кодомаќин“ ги прикажува разговорите помеѓу вас и сите кодомаќини на огласот.
• „Супердомаќин-амбасадор“ ги прикажува пораките помеѓу вас и домаќините со кои сте се поврзале.
• „Доживувања“ ви овозможува да ги читате пораките поврзани со тие резервации.

Применете го филтерот „Патување“ за да ги видите пораките што ги испраќате и примате како гостин. Користете го филтерот „Поддршка“ за да ги видите разговорите со поддршката на Airbnb.

Барате конкретен разговор? Може да пребарувате пораки според имиња, зборови или фрази. Резултатите ги земаат предвид сите филтри што сте ги примениле и ви помагаат побрзо да ги најдете разговорите.

Јасната и навремена комуникација е клучен дел од успешното угостување. Започнете разговори, обезбедете информации и одговорете на прашањата од гостите во јазичето „Пораки“.

За да заштедите време, испробајте ја функцијата за брзи одговори. Брзите одговори се шаблони за пораки за споделување рутински информации, така што не мора да почнувате од нула. Ќе најдете неколку претходно напишани во јазичето „Пораки“ за поддршка на гостите во клучни моменти, како што е веднаш по резервирањето. Може да ги користите овие брзи одговори како што се напишани, да ги уредувате или да создадете сопствени приспособени шаблони. 

Јазичето „Пораки“ користи вештачка интелигенција за да ги разбере прашањата на гостите и автоматски да предложи брз одговор. Предложениот одговор се појавува во вашиот разговор со гостинот каде што само вие можете да го видите.

Ќе може да го прегледате, уредите и испратите предложениот брз одговор веднаш или да го закажете за испорака подоцна. Резервираните места за текст во шаблоните автоматски се пополнуваат со одредени детали за резервацијата и сместувањето – како што се локацијата, името на гостинот и времето на пријавување – кога ќе се испрати пораката. Проверете дали вашиот оглас е целосен и ажуриран бидејќи пораките со празни резервирани места за текст нема да бидат испратени правилно.

Кога ќе се појави порака што сте ја закажале, ќе видите потсетник во разговорот со гостинот. Прилагодете ја или прескокнете ја пораката ако се повторуваат информациите што веќе сте ги споделиле.

Дознајте повеќе за тоа како да користите брзи одговори за да заштедите време

Со секоја резервација се започнува нов разговор во јазичето „Пораки“. 

Гостинот кој резервира може да покани други возрасни лица кои патуваат со него да се приклучат на резервацијата. Гостите кои ќе ја прифатат поканата се додаваат во разговорот, а вие испраќате пораки до целата група. Гостите можат да ги прочитаат сите пораки, дури и ако се приклучат подоцна, така што не мора да се повторувате.

Притиснете на копчето „Детали“ за повеќе информации околу резервацијата и разговорот, вклучувајќи и листа со сите што се приклучиле. Изберете фотографија на некој од гостите за да пристапите до неговиот профил и да дознаете повеќе за тоа кого угостувате.

Ќе најдете повеќе функции за управување со разговорите во јазичето „Пораки“, вклучувајќи одговори во разговор, алатки за уредување, потврди за прочитани пораки и емотикони.

• Одговорите во разговор ви овозможуваат да започнете разговор кога ќе одговорите на порака која го става вашиот одговор под оригиналната порака.
• Алатките за уредување ви овозможуваат да ја уредите пораката во рок од 15 минути од нејзиното испраќање и да го откажете нејзиното испраќање во рок од 24 часа.
• Потврдите за прочитани пораки покажуваат дали гостите или другите приматели ги виделе вашите пораки, освен ако не ја исклучиле оваа функција во подесувањата на нивната сметка.
• Емотиконите ви овозможуваат да изреагирате на порака со насмеано лице, срце, палец нагоре, ракоплескање со рацете или лице што се смее.

Информациите што ги содржи статијава може да се променети по објавувањето.