Совети што ќе ви помогнат да спречите забави на вашиот имот

Еден од приоритетите на Airbnb е да им помогне на домаќините и гостите да останат безбедни. За да помогнеме да се спречи непримерно однесување во имотите огласени на Airbnb, забрануваме забави и настани кои го нарушуваат мирот, вклучувајќи собири на кои секој може да присуствува, без покана.

Нашата глобална забрана за забави и настани доведе до пад од 44% во однос на претходната година во стапката на пријави за забави од нејзиното воведување во август 2020 година. Забраната беше добро прифатена и од домаќините, лидерите на заедницата и избраните претставници.

Без разлика дали сте угостувале стотици пати или штотуку почнувате, сакаме да се чувствувате спокојно кога пречекувате гости во своето сместување. Еве шест чекора што може да ги преземете за да го обесхрабрите организирањето забави и да намалите некои поврзани ризици.

За да ви помогнеме да ги запрете проблемите пред да почнат, ви препорачуваме да ги прочитате нашите правила за забави и настани. Некои клучни работи:

• Не се дозволени забави и настани кои го нарушуваат мирот и собири на кои може да присуствува секој, без покана.
• Во одредени земји и региони, воведовме ограничувања за некои локални резервации на цели сместувања од гости помлади од 25 години кои имаат негативни рецензии или помалку од три позитивни рецензии.
• Во следниве месеци ќе го отстраниме ограничувањето на пополнетоста од 16 лица кое го воведовме во 2020 г., првенствено како одговор на опасноста за јавното здравје поврзана со COVID-19.
• Домаќините на традиционалните угостителски места, како бутик хотели, може да дозволуваат соодветни настани по сопствена дискреција.
• Домаќините не смеат да дозволат собир што ги крши правилата.

Airbnb може да преземе дејства против гости и домаќини кои ги кршат нашите правила.

Јасната комуникација со гостите е еден од начините да се заштитите себеси, вашиот имот и вашата заедница. Откако ќе добиете барање за резервација или потврдена резервација, прегледајте ги податоците на гостинот и поставете неколку основни прашања за неговата посета, како на пример:

• Која е целта на вашето патување?
• Кој друг ќе престојува со вас?
• Може ли да потврдите дека сте го прочитале куќниот ред?

Ова е и можност да ги потсетите гостите на нешто што не сакате да го заборават или занемарат, како, на пример, кога е времето за одмор. Може да ги споделите локалните закони или ограничувања во врска со бучавата, паркирањето и јавното здравје.

Кажете им на соседите дека пречекувате гости. Размислете за тоа да им ги оставите вашите податоци за контакт на еден или повеќе соседи на кои им верувате и замолете ги да ве контактираат ако се појават некакви неочекувани проблеми.

Ако се загрижени, може да ги уверите дека поголемиот дел од гостите не предизвикуваат проблеми. Всушност, во текот на 2021 година, 99,92% од резервациите низ целиот свет на Airbnb немале пријави за проблеми поврзани со безбедноста.*

Дури и ако понудите самопријавување, сепак може да ги уверите гостите дека сте достапни. Еве што може да направите пред, за време на и после пријавувањето:

• Известете ги гостите како да ве исконтактираат по телефон во итен случај. Подобро ќе може да управувате со сите инциденти, а тие ќе го ценат брзиот одговор.
• Понудете им на гостите да наминете или да испратите некого ако им треба нешто. Ако не живеете во близина, паметно е да назначите управител на имотот или кодомаќин кој може лично да се справи со работите кога е потребно.

Ако сметате дека гостинот има намера да организира забава, може да ја откажете резервацијата пред пријавувањето без последици. Ќе побараме да доставите докази кои ја оправдуваат вашата одлука, како што се пораки од гостинот и друга документација.

На пример, да речеме дека гостин кој живее во близина на вашето место го резервира сместувањето во последен момент за едно ноќевање за време на викенд. Ви праќа порака и ве прашува за дополнително место за паркирање на улицата за неколку пријатели. Исто така, читате рецензија од друг домаќин за гостинот во која се споменува забава. Ако ја споделите пораката на гостинот и рецензијата со нас, можеби ќе може да ја откажете резервацијата без последици.

Можно е да може да откажете онлајн ако ја имате вклучено функцијата „Инстант резервација“ и не сте го достигнале ограничувањето од три откажувања годишно. Ако времето на пријавување на гостинот е во рок од 24 часа, контактирајте нѐ за да ја откажеме резервацијата.

За да дознаете повеќе за безбедноста и очекувањата за угостување, прочитајте ги нашите правила на заедницата.

*Врз основа на внатрешните податоци на Airbnb од 1 јануари до 31 декември 2021 г.

Информациите што ги содржи статијава може да се променети по објавувањето.