Одете напред за да пристапите до предложените резултати

    Пишување корисен куќен ред

    Помогнете да се заштити вашиот дом и да се создаде подобро искуство за гостите.
    Од Airbnb на 1 дек. 2020 г.
    Четиво од 3 мин.
    Ажурирано на 13 мај 2021 г.

    Исклучителни одлики

    • Куќниот ред ви помага да ги истакнете потсетниците за безбедност и да ги поставите очекувањата на гостите

    • Ажурирајте го куќниот ред
    • Дознајте повеќе во нашиот целосен водич за поставување успешен оглас

    Вашиот куќен ред е многу повеќе од список за тоа што треба, а што не треба да се прави. Поставува очекувања за гостите и им дава приказ на вашиот стил на угостување. Исто така, им помага на гостите да проценат дали вашиот простор им одговара пред да резервираат, што може да им овозможи подобро искуство. Поради важноста на куќниот ред, го направивме видлив за гостите кога резервираат.

    Ви треба ли помош да го напишете вашиот? Следете ги овие совети од домаќини како вас.

    Нека биде едноставно

    Користете јасен, едноставен јазик. „Куќниот ред не треба да биде напишан како правен документ. Ако е така, никој нема да го прочита или потенцијалните гости ќе одат на друг оглас што е поедноставен“, вели Ж. Рената, домаќин во Рио де Жанеиро.

    Кој е најдобриот начин да бидете едноставни? Размислете како би сакале гостинот да се однесува во вашето сместување и како би му го објасниле тоа доколку разговарате лично –  тогаш пишувајте на тој начин.

    Исто така, не сакате да ги преплавувате гостите со премногу правила. Фокусирајте се на она што е задолжително, а зачувајте ги работите што е добро да се знаат за споделување на друго место.

    „Не ставам насоки и упатства како каде да се оставаат крпите и што да прават со алишата за перење во мојот куќен ред“, вели Анет, домаќин од Прескот, Аризона. „Лично им ги кажувам тие работи на гостите кога ги водам низ станот или им оставам љубезна белешка.“ Друга опција би била да создадете упатство за користење на куќата за корисни детали што не мора да ги има во вашиот куќен ред.

    Куќниот ред не треба да биде напишан како правен документ; ако е така, никој нема да го прочита.
    J Renata,
    Рио де Жанеиро

    Потсетници за безбедност

    Не претпоставувајте дека гостите се свесни за безбедноста и сигурноста како што сте вие. Добро би било да го споделите овој вид на информации во вашиот куќен ред. Еве како некои домаќини го имаат направено ова:

    • „Ве молиме затворете ги сите прозорци и заклучете ги сите врати кога излегувате од апартманот.“ – Дејв и Деб, Едмонтон, Канада
    • „Без свеќи. Никакви. Наместо тоа, ви даваме да употребувате свеќи на батерии и без пламен.“ – Хедер, Итака, Њујорк

    Исто така, важно е да се истакнат барањата за здравје и безбедност поврзани со COVID-19. Користете го вашиот куќен ред за да ги потсетите гостите на задолжителните практики околу маските и социјалното дистанцирање и истакнете ги сите дополнителни упатства за заедничките простори ако е потребно.

    Искористете ја можноста да ги подучите гостите

    Ако ви доаѓаат гости од далеку, можеби не се запознати со проблемите специфични за вашата локација или култура. Вашиот куќен ред може да биде начин да споделите критични информации. Еве како некои домаќини имаат вклучено информации специфични за локацијата:

    • „Бараме да бидете разумно тивки и дискретни, особено навечер или за време на попладневните часови за одмор.” – Беатрис Елена, Меделин, Колумбија
    • „Внатре не се влегува со обувки. Ова е многу често во Тајланд.“ – Нат, Чијанг Мај, Тајланд
    • „Нелегалното преземање е забрането. Ако ве прогласат виновни, казните може да чинат околу 1700 евра за филм.“ – Бранка и Силвија, Загреб, Хрватска

    Претставете го вашиот карактер во најдобро светло

    Вашиот куќен ред дава претстава за вашиот стил на угостување. Тоа е уште еден начин гостите да утврдат дали вашиот простор им одговара, затоа бидете свој.

    Ако вашиот пристап кон угостувањето е опуштен и забавен, покажете малку хумор. Сакате работите да бидат поуредни? Погрижете се тоа да биде кажано јасно.

    Ејми, домаќин од Нешвил, сака да внесе малку хумор во куќниот ред:

    „Очекувам гостите да се однесуваат како возрасни:
    • Немојте да ја запалите куќата.
    • Не ми го клоцајте кучето.
    • Не капете по масата додека јадете.
    • Има неколку корпи за ѓубре низ куќата: тоалетот не е една од нив“

    Куќниот ред помага да бидете заштитени

    Во редок случај на проблем со гостин, исто така, куќниот ред може да ви помогне при решавање на некое недоразбирање. Ако некој гостин го прекрши куќниот ред, првиот чекор би бил да комуницирате со гостинот и да се обидете да го решите проблемот директно. Ако не можете да дојдете до решение, контактирајте со корисничката поддршка на Airbnb за помош.

    Белешка: целиот куќен ред мора да бидат во согласност со правилата и условите на Airbnb, вклучувајќи ги и нашите „Услови за користење“ и „Политика против дискриминација“. Дознајте повеќе

    Информациите што ги содржи статијава може да се променети по објавувањето.

    Исклучителни одлики

    • Куќниот ред ви помага да ги истакнете потсетниците за безбедност и да ги поставите очекувањата на гостите

    • Ажурирајте го куќниот ред
    • Дознајте повеќе во нашиот целосен водич за поставување успешен оглас
    Airbnb
    1 дек. 2020 г.
    Дали ова беше корисно?

    Можеби ќе ви се допадне и

    Можеби ќе ви се допадне и

    Разгледајте повеќе теми