Како да ја оптимизирате вашата рутина за угостување

Угостувањето може да одзема многу време, но откако ќе се навикнете, ќе заклучите дека може да оптимизирате многу аспекти од вашата рутина. Така ќе може да се фокусирате на забавниот дел, а тоа е создавање незаборавно искуство за гостите.

Ако размислите за својата моментална процедура за чистење, може да најдете едноставен начин за организација на вашиот простор. Еве неколку совети:

• Размислете за тоа да ангажирате професионалец и да додадете надоместок за чистење* на огласот, но имајте предвид дека повисоките надоместоци може да ги зголемат очекувањата и да ги обесхрабрат гостите да резервираат пократки престои.
• Погрижете се целата постелнина и сите крпи да бидат во иста боја за да може да ги перете заедно.
• Имајте барем еден дополнителен комплет постелнина и крпи за да не мора да чекате да заврши перењето за да го наместите креветот.
• Испланирајте редовно темелно чистење за да си го олесните чистењето помеѓу престоите.

Секогаш ќе треба да ги обезбедите основните удобности и да се погрижете гостите да се чувствуваат пријатно. Зошто тогаш да не си го олесните тоа? Еве неколку совети:

• Обидете се да се снабдите со сѐ така што ќе купувате на големо.
  
• Размислете за тоа да закажете трајна нарачка со редовна испорака на вашите производи за чистење и други основни удобности за никогаш да не мора да трошите време на повторно нарачување и за да не останете без залихи ако заборавите.
• Супердомаќинот Омар од Мексико Сити предлага да ја оставиме технологијата да си ја заврши работата: „Опремете го вашиот простор со уреди како што се паметните брави, детекторите за јаглерод моноксид и чад и детекторите за бучава што може лесно да се управуваат оддалеку“.

Не мора да трошите многу време одговарајќи на секоја порака од гостин. Всушност, нашите алатки може да го забрзаат процесот. Знаете ли кој е еден од најдобрите совети на Омар? „Поставете автоматски шаблони за да комуницирате со гостите“, вели тој.

Што подразбира ова?

• Преземете ја Airbnb апликацијата за да одговарате брзо.
• Испробајте ја алатката за закажани пораки за да одговарате со брзина на светлината.
• Поставете брзи одговори (претходно познати како „зачувани пораки“) за да одговарате без да напишете ниту еден збор.
• Откако ќе ги поставите овие кратенки, не заборавајте да додадете срдечен и персонализиран поздрав за да остварите непосредна врска со гостите.

Може лесно да направите гостите да се чувствуваат добредојдено, а истовремено да го поедноставите пријавувањето. Еве неколку совети:

• Размислете за самопријавување, бидејќи тоа им помага на домаќините да обезбедат одлично гостопримство оддалеку.
• Додајте инструкции за пријавување во вашето сместување и создајте лесен, визуелен и детален водич со слики.
• Потврдете дека гостите добиле инструкции за пријавување 24 часа пред секој престој и дознајте дали имаат прашања (ова може да се направи и со закажана порака!).
• Размислете за тоа да ангажирате кодомаќин или да соработувате со управител на имот за да заштедите време.

*Со исклучок на домаќините кои нудат сместувања во континентална Кина. Дознајте повеќе