Совети за избегнување откажувања што може да се спречат

Откако резервацијата ќе биде потврдена, гостите не очекуваат таа да се промени. Откажувањата од страна на домаќините може да ги нарушат нивните планови за патување, довербата во нашата заедница и да доведат до надоместоци или други последици. 

Еве неколку совети кои ќе ви помогнат да избегнете откажување на резервации од причини кои може да се спречат.

Кажете им на гостите кога може да престојуваат кај вас.

• Отворете ги датумите од три месеца до две години однапред.
• Блокирајте ги датумите кога не можете угостувате.
• Редовно проверувајте го календарот за да се уверите дека точно ја прикажува вашата достапност.

Особено е важно да ја ажурирате достапноста на календарот ако користите „Инстант резервација“. „Инстант резервацијата“ им овозможува на гостите да ги резервираат сите датуми што се слободни без да чекаат да го прегледате нивното барање.

Кога резервацијата на гостите ќе биде потврдена, вашиот календар автоматски ќе биде блокиран за тие датуми. Треба рачно да ги блокирате сите датуми кога не можете да прифаќате резервации од други причини.

Ако добиете резервации за датуми на кои не можете да угостувате, тоа може да доведе до надоместок за откажување или други последици.

Вашите подесувања се поделени во две јазичиња: „Цени“ и „Достапност“. Овие алатки можат да ви помогнат да ги добиете посакуваните резервации тогаш кога ќе ги посакате. На пример, можете:

• Да ја поддржите својата стратегија за одредување цени. Секогаш вие одлучувате за цената и може да ја смените во секое време. Алатките за одредување цени ви овозможуваат да ги споредите цените на слични сместувања во близина, да понудите попусти за подолги престои и да поставите приспособени цени на одредени датуми, како што се празници и викенди. Може да го вклучите и „Паметното одредување цени“ за автоматски да ја прилагодувате цената врз основа на локалната побарувачка.
• Да ги поставите вашите претпочитани подесувања за резервации. Користете го периодот за достапност за да одредите колку време однапред гостите можат да резервираат, од три до 24 месеца. Другите опции вклучуваат: наведување на минималниот и максималниот број на ноќевања по престој, барање до седум дена претходно известување за резервации и блокирање на едно или две ноќевања помеѓу резервациите како време за подготовка.
• Да ги поврзете вашите календари. Синхронизирајте ги вашите лични и други календари за угостување (ако го огласувате вашето место на други веб-страници) со вашиот календар на Airbnb. Ова може да ви помогне да управувате со задачите за угостување и да спречите дупли резервации.

Разбираме дека можеби ќе треба да откажете резервација од причини што се надвор од ваша контрола, како што се итни поправки. Ако мора да откажете, погрижете се:

• Да ги прегледате нашите правила. Нашите „Правила за откажување на домаќинот“ ги објаснуваат надоместоците и другите последици за откажување и кога тие може да бидат укинати. Ако не сте сигурни дали вашата ситуација ги исполнува условите, контактирајте со поддршката на Airbnb пред да откажете. Не може да откажете поради причини што се спротивни на „Политиката против дискриминација“ или „Политиката за пристапност“ на Airbnb.
• Да ги известите гостите доволно однапред. Ако не можете да ги угостите – без оглед на причината – се очекува да откажете навремено. Не смеете да барате гостите да ги откажат своите резервации.
• Да ги следите локалните правила и прописи. Прочитајте ги нашите статии за одговорно угостување за подобро да ги разберете законите, даноците, најдобрите практики и другите фактори за сместување гости во вашиот регион.

Кога домаќините откажуваат резервација, работиме со гостите за да им помогнеме да најдат друго сместување.