Совети за избегнување откажувања што може да се спречат
Исклучителни одлики
Добијте совети за управување и ажурирање на календарот.
Поставете цена и цена за ноќевање што ви одговара.
Запознајте ги гостите.
Кога ќе резервираат патување, гостите сакаат да мислат само на своите боси нозе во топлиот песок или на истражувањето нов град, па откажувањето може многу да ги погоди. Откажувањата ја нарушуваат довербата помеѓу домаќините и гостите, а може и да предизвикаат надоместоци и последици.
Домаќините секојдневно вложуваат неверојатни напори за да си ја извршат работата, односно да ги почитуваат резервациите и да ги поддржуваат гостите. Еве неколку совети кои ќе ви помогнат да избегнете откажувања што може да се спречат.
Проверете дали календарот е ажуриран
Омар, Супердомаќин во Мексико Сити, предложува да ги следите трендовите на патување и да планирате однапред. „Научете како се менува сезонската побарувачка во вашиот регион, во која сезона има највисока, висока и ниска побарувачка, за да ја испланирате достапноста на календарот однапред за престои на краток, среден и долг рок“, вели тој.
- Блокирајте одредени датуми на кои знаете дека нема да можете да усгостувате.
- Утврдете колку време однапред гостите треба да ви дадат претходно известување.
- Испланирајте ги деталите во календарот до две години однапред.
- Редовно проверувајте го календарот и прилагодувајте го според потребите.
Како да изберете соодветни подесувања за календарот и за резервирање
„Инстант резервацијата“ е добар начин да заштедите многу време и енергија, сѐ додека вашиот календар и подесувањата често се ажурираат.
- Размислете за синхронизирање на календарот на Airbnb со вашиот главен календар (како iCal или Google).
- Постојано ажурирајте го календарот за успешно да ја користите функцијата „Инстант резервација“.
- Ако календарот не ви е ажуриран, може да добиете двојна резервација или резервација за датум што не можете да го испочитувате, што може да резултира со надоместок за откажување.
Како да поставите цена која ви одговара
Создавањето стратегија за одредување цени служи за да најдете „златна средина“ со која ќе привлечете гости, но и ќе бидете задоволни од тоа колку би заработиле.
- Поставете приспособена цена за одредени ноќевања, недели или месеци.
- Истражете ја цената за ноќевање за слични сместувања во вашиот регион.
- За да не дејствувате врз основа на претпоставки, вклучете го „Паметното одредување цени“.
Како да ги запознаете потенцијалните гости
Тековната комуникација со гостите е клучна, а нашите алатки за пораки ќе ви помогнат да не пропуштите ништо.
- Ако сакате да дознаете повеќе за потенцијалниот гостин, прочитајте ги рецензиите за него.
- Можете да ги испратите истите брзи одговори до сите потенцијални гости за да се поврзете и да добиете повеќе информации.
- Отворете ја вратата кон инклузивноста со едноставно прашање до гостите: „Што ви е потребно за да се чувствувате пријатно и добредојдено во моето сместување?“
- Овозможете им однапред одобрени барања и охрабрете ги гостите кои ќе ве исконтактираат пред да резервираат. Научивме дека гостите понекогаш контактираат со домаќините пред да резервираат за да проценат дали ќе бидат прифатени и добредојдени.
Пред сѐ, не ја заборавајте нашата политика против дискриминација. Ако угостувате преку Airbnb, се согласувате да се однесувате кон сите гости со почит и да не исклучувате никого.
Добијте повеќе информации за откажувањата од страна на домаќинот
Исклучителни одлики
Добијте совети за управување и ажурирање на календарот.
Поставете цена и цена за ноќевање што ви одговара.
Запознајте ги гостите.