Како да се справите со лоша рецензија

Лошите рецензии може да болат, но дури и највисоко оценетите домаќини ги добиваат одвреме-навреме. Еве неколку совети за справување со негативните повратни коментари од гостите.

Ако одговарате на рецензиите, тоа им помага на гостите да видат дека сте отворени за предлози. „Не очекувам ниеден домаќин да има 100% беспрекорни рецензии“, вели Ендру, гостин кој е и Супердомаќин во Берлин. „Многу поголем впечаток ми оставаат оние кои сериозно ги сфаќаат критичките повратни коментари.“

Земете ги предвид овие совети кога одговарате на негативни рецензии:

• Оставете јавен одговор. Краткиот и пријателски одговор може да им помогне на другите гости да се уверат дека се грижите за нивното искуство.
• Заблагодарете им се на гостите за повратниот коментар. Ова може да биде нешто едноставно како: „Ви благодарам за рецензијата! Навистина ни значи што одвоивте време за да напишете нешто за вашето патување.“
• Споделете како го подобрувате вашиот простор. Може да напишете: „Жал ни е што креветите не беа удобни. Добриот сон на гостите ни е важен, па додадовме наддушеци.“

Секогаш може да пријавите рецензија што не е во согласност со нашите „Правила за рецензии“, како што е одмаздничка рецензија. Може да се отстрани ако се утврди дека гостите сериозно ги прекршиле правилата.

Проблемите со точноста и чистотата се две од најчестите причини поради кои гостите им даваат помалку од пет ѕвезди на домаќините. Искористете ги повратните коментари од гостите како можност да го усовршите угостувањето.

Еве неколку начини да им покажете на гостите дека секогаш сте подготвени да се подобрите:

• Земете ги повратните коментари како можност. Гостите ви ги прикажуваат работите од друга перспектива за која можеби не сте помислиле, на пример, може да го поедноставите пријавувањето или да додадете повеќе крпи.

• Бидете транспарентни. Одржувајте ги вашите фотографии и опис за сместувањето ажурирани за да го прикажете она што моментално го нудите. Објаснете како се справувате со потенцијалните недостатоци, на пример, дека нудите тампони за уши ако вашата улица е бучна.

• Практикувајте угостување од кое никој не се исклучува. Фокусирајте се на тоа секој гостин да се чувствува добредојден со користење на родово неутрален јазик и со истакнување на карактеристиките за пристапност.
• Комуницирајте со гостите во текот на нивниот престој. Користете ги закажаните пораки за да прашате како се одвиваат работите и веднаш решете ги сите проблеми.

Информациите што ги содржи статијава може да се променети по објавувањето.