Создајте водич за да ги споделите вашите локални совети

Многу домаќини на своите гости им даваат локални предлози, на пример, каде да се напијат кафе или да уживаат во незаборавна вечера. Наместо да пишувате совети за секој поединечен гостин, може да создадете дигитален водич на Airbnb со којшто ќе заштедите време, така што ќе ги соберите препораките на едно место.

Гостите имаат пристап до вашиот водич во јазичето „Патувања“ и на страницата со вашиот оглас, а може и да им го испратите директно во порака со помош на нашата алатка „Споделете препораки“. Еве како максимално да го искористите водичот за да го покажете локалното опкружување и да им понудите на гостите автентично, уникатно искуство.

Водичот е вашата можност да им дадете на гостите детални информации кои ги истакнуваат вашето гостопримство и она што го нуди локалната заедница. Можете да создадете персонализиран водич на Airbnb за гостите да го имаат на располагање.

1. Бидете кратки. Овозможете им на гостите лесно да ги прегледаат вашите предлози, така што секој од нив ќе биде краток. Помогнете им на гостите да разберат какво е местото или доживувањето и зошто треба да го искусат.
2. Додајте личен детаљ. Најдобрите препораки произлегуваат од личните познавања и искуства. Најдобро е да ги препорачате само местата во кои вие лично сте уживале.
3. Спомнете ги специјалните карактеристики. Не заборавајте да ги вклучите сите уникатни или забележителни карактеристики, како што се прекрасниот надворешен поплочен двор на некој ресторан или посебниот дел од некоја продавница со локални производи.
4.Додајте фотографија. За водичот да биде попривлечен, може да поставите фотографија што сте ја направиле кога е тоа можно за секое место што го препорачувате.
5. Ажурирајте го водичот. Не заборавајте одвреме-навреме да го разгледувате водичот за да бидете сигурни дека сите информации се сѐ уште точни и да додадете нови предлози.

Дознајте како да создадете приспособен водич

Водичите се поврзани со вашата сметка на домаќин, а не со поединечниот оглас (што е корисно за домаќините кои споделуваат повеќе соби или домови). „Сега можам да создадам еден водич за регионот што ќе одговара за сите три мои сместувања“, вели Ен, Супердомаќин во Сеџвик, Мејн.

Гостите имаат пристап до вашиот водич од страниците со огласот и вашиот профил, како и преку јазичето „Патувања“, каде што автоматски се појавува откако резервацијата ќе се потврди.

Можеби ќе сакате да го споделите и вашиот водич додека си испраќате пораки на гостите. Лесно може да го направите тоа со притискање на иконата „Сподели препораки“ во поштата за домаќини. Оваа алатка, исто така, ви овозможува да препорачате мешавина од локални Airbnb доживувања.

Знаеме дека давате сѐ од себе за престојот на гостите во вашето сместување да помине незаборавно и се надеваме дека дигиталниот водич ќе ви помогне да ги поврзете гостите со фантастични локални активности.