Заштедете време со закажани пораки

Алатката за закажани пораки ви помага автоматски да споделувате важни информации со гостите во одредени моменти, како што е денот на пријавувањето. Таа ви овозможува да создадете стандардни пораки и да ги закажете за испраќање во времето кога гостите најверојатно ќе сакаат да ги имаат тие информации.

Може да создадете и брзи одговори, кратки шаблони што се користат за решавање на вообичаените прашања, за да заштедите време кога комуницирате со гостите.

Одете во подесувањата за пораки во јазичето „Пораки“ за да ги напишете и закажете пораките.

Може да ги персонализирате овие пораки со вметнување кратки кодови. Овие резервирани места ги извлекуваат информациите од вашиот оглас и од резервацијата на гостинот, како што се вашиот куќен ред, неговото име и датумот на пристигнување. Проверете дали деталите во вашиот оглас се целосни и ажурирани бидејќи пораките со празни кратки кодови нема да бидат испратени правилно.

Користете го паѓачкото мени за да вметнете кратки кодови. Кога ќе завршите со пишувањето, закажете ја пораката така што ќе изберете кое дејство на гостинот ќе го активира испраќањето. Секогаш може да ја уредите, прескокнете или испратите пораката порано од закажаното според потребите.

Еве како може да ги користите кратките кодови во закажана порака:

Здраво [име на гостинот],

Ви благодариме за резервацијата! Едвај чекаме да ве пречекаме на [датум на пријавување]. Споделете ги информациите за патувањето за да можеме да организираме непречено пријавување, кое обично е во [време на пријавување] или подоцна.

Еве неколку кратки информации за регионот: [соседство]

Еве неколку совети за снаоѓање наоколу: [снаоѓање наоколу]

Можете да најдете корисни предлози за посетата на [град] во нашиот водич, кој е тука: [водич]. Неколку дена пред патувањето, ќе ги споделиме информациите за пријавување. Кажете ни ако имате какви било прашања.

Може да закажете порака во секое време. Ова се некои од моментите кога би било добро да им испратите важни информации што им се потребни на гостите.

• Кратко по резервирањето: ако им испратите на гостите порака за благодарност веднаш по резервирањето, ќе знаат дека сте го примиле нивното барање и ќе им дадете детали и совети за претстојниот престој.
• Пред пријавувањето: потсетете ги гостите за претстојниот престој за да можат да се подготват за своето пристигнување. Може да ги закажете овие пораки до 14 дена пред пријавувањето.
• Денот на пријавувањето: иако можеби веќе сте споделиле инструкции за пријавување, многу гости сметаат дека е корисно повторно да добијат клучни информации на денот на пријавувањето, вклучувајќи ги и насоките.
• Прв ден од престојот: контактирајте со нив за да бидете сигурни дека сѐ е во ред и понудете се да им одговорите на сите прашања што можеби ги имаат.
• Денот по одјавувањето: заблагодарете им се на гостите што престојувале кај вас и потсетете ги да остават рецензија.

Информациите што ги содржи статијава може да се променети по објавувањето.