Поедноставување на комуникацијата

Закажаните пораки и брзите одговори може да ви заштедат време. Додека ги пишувате овие пораки, имајте предвид дека веројатноста гостите да ги прочитаат е поголема ако се навремени и кратки.

Автоматски испраќајте закажани пораки до гостите откако ќе преземат одредени дејства, како што се резервирање на сместување, пријавување и одјавување.

Размислете да поставите закажани пораки за овие моменти.

• Прашање или барање за резервација: одговорете веднаш (или во рок од најмногу 24 часа) кога гостите ќе стапат во контакт со вас.
• Потврда за резервација: заблагодарете им се на гостите за резервацијата и кажете им дека сте достапни да одговорите на сите прашања.
• Пред пријавувањето: околу 24 до 48 часа претходно, потсетете ги гостите каде можат да најдат инструкции за пријавување и споделете ги сите белешки околу влегувањето. 
• По пријавувањето: прашајте каква е ситуацијата кратко по пристигнувањето на гостите.
• Пред одјавувањето: испратете пријателски потсетник за времето на одјавување ноќта пред гостите да заминат за да спречите доцно одјавување.
• По одјавувањето: заблагодарете им се на гостите и замолете ги да остават рецензија. Оставете рецензија за нив што е можно побргу.

Одговорете на честите прашања со едно притискање или еден клик преку брзите одговори. Може да ги користите истите брзи одговори за сите огласи.

Персонализирајте ги одговорите со кратки кодови кои автоматски ги пополнуваат деталите за гостинот, резервацијата и сместувањето. Проверете дали сите детали за сместувањето се целосни пред да користите кратки кодови.

Некои примери на кратки кодови:

• име на гостинот
• датум на пристигнување
• време на пријавување
• датум на заминување
• време на одјавување
• начин на пријавување
• инструкции за одјавување
• насоки
• водич
• упатство за користење на куќата
• куќен ред
• име на wifi
• лозинка за wifi

Ако користите софтвер поврзан со API, ќе можете да пристапите до овие функции од софтверот ако вашиот давател на услуги ги има интегрирано. Во спротивно, контактирајте со давателот на услуги за да дознаете кога ќе бидат достапни.

Информациите што ги содржи статијава може да се променети по објавувањето.