Ажурирање на подесувањата и достапноста

За да бидете во тек со календарот и подесувањата за повеќе огласи, потребна е организација. Алатките за професионално угостување на Airbnb ви помагаат да ажурирате неколку огласи одеднаш.

Приказот на повеќе календари ви овозможува да ги прегледувате и да управувате со достапноста за сите ваши сместувања на едно место. Ако понудите различни опции за резервација, тоа ќе ви помогне да привлечете повеќе гости. Огласите за сместувања отворени за престои од 28 ноќевања или повеќе, како и за кратки престои заработија во просек 45% повеќе во 2022 година од огласите за сместувања за кои се прифатени само кратки престои.*

Еве неколку подесувања што може да помогнат вашите огласи да се појавуваат во повеќе резултати од пребарувањето. 

• Период на достапност: отворете го календарот за период до 24 месеца и додајте попуст за рана резервација за да создадете цврста основа за идни резервации. 
• Резервација за истиот ден: дозволете им на гостите да резервираат на денот на пријавувањето и додајте попуст за резервација во последен момент. Овозможете им на повеќе патници да се сместат кај вас, на пример, оние кои може да стигнат до сместувањето со автомобил.
• Минимална должина на патување: намалете ја минималната должина на престој за да може огласите да се појавуваат во пребарувањата за пократки престои и да се пополнат празнините во календарот. 
• Максимална должина на патување: зголемете ја максималната должина на престој на 28 ноќевања или повеќе, така што вашите огласи ќе се квалификуваат за пребарувања за подолги престои.
  

Подолгите престои и понатаму се популарни на Airbnb. Резервациите од 28 ноќевања или повеќе сочинуваат 18% од сите ноќевања резервирани во јули, август и септември 2023 година.**

Наместо да одите на секој оглас поединечно, прилагодете ја достапноста со групни измени во овие категории:

• времетраење на патувањето
• попуст за подолг престој
• правила за откажување

Исто така, може да прилагодите други аспекти на огласите со групни измени во овие категории:

• удобности
• вид на имот
• надоместоци и трошоци
• локација
• начин на пријавување
• стандарден куќен ред
• детали за локацијата
  

За да направите групни измени:

1. Проверете дали сте го избрале користењето на алатките за професионално угостување кои се достапни само на десктоп компјутер.

2. Одете на „Огласи“ и изберете ги сите сместувања што сакате да ги промените.

3. Кликнете на „Уреди“.

4. Направете ги промените и кликнете на „Зачувај“.

*Врз основа на податоците на Airbnb за активните огласи од јануари до декември 2022 година

**Според извештајот за заработка на Airbnb за третото тримесечје од 2023 г.

Ако користите софтвер поврзан со API, ќе можете да пристапите до овие функции од софтверот ако вашиот давател на услуги ги има интегрирано. Во спротивно, контактирајте со давателот на услуги за да дознаете кога ќе бидат достапни.

Информациите што ги содржи статијава може да се променети по објавувањето.