Контролирање на цената

Според нашите податоци, огласите чии цени биле ажурирани најмалку четирипати годишно имале над 30% повеќе резервирани ноќевања од оние кои не биле.* Додавањето попуст исто така може да помогне да се подобри рангирањето на огласот во резултатите од пребарувањето на Airbnb.

Некои домаќини со повеќе огласи ни велат дека не ги ажурираат цените често бидејќи тоа може да им одземе многу време. Попустите се едноставен начин да ја промените цената за ноќевање во одредени околности. Групите на правила ви помагаат ефикасно да ја приспособите стратегијата за одредување цени.

Може да поставите попусти за огласот директно од календарот или од јазичето „Можности“. Размислете за придобивките од секој попуст за да одредите кои од нив се соодветни за вашите огласи. 

• Попуст за подолг престој: понудете попусти за сите престои од два дена до 12 седмици, вклучувајќи ги и неделните и месечните попусти. Ова може да ја продолжи просечната должина на престој на вашите огласи и да го намали бројот на промени на гости.
• Попуст за резервација во последен момент: намалете ја цената за ноќевање како што се приближува датумот на пријавување. Ова помага да се пополнат сите нерезервирани ноќевања и да се зголемат приходите. За попусти од 10% или повеќе, гостите гледаат посебна ознака на вашиот оглас.
• Попуст за рана резервација: додајте попуст за резервации направени од еден до 24 месеца пред пристигнувањето и создајте цврста основа на резервации за претстојните сезони. За попусти од 3% или повеќе, гостите гледаат посебна ознака на вашиот оглас.
• Промоција за нов оглас: понудете попуст од 20% на првите три резервации на нови огласи. Тоа може да помогне побрзо да добивате резервации и рецензии за сместувањата.
• Приспособена промоција: ги избирате датумите и процентот на попуст на цената. За попусти од 15% или повеќе, гостите гледаат посебна ознака на вашиот оглас.
• Попуст без враќање на парите: во комбинација со правилата за откажување, понудете 10% попуст на цената и задржете ја исплатата без разлика кога гостите ќе откажат.

Каде гостите ќе најдат попусти зависи од процентот на попустот.

• 1% или повеќе: гостите добиваат анализа на поединечните попусти на вашите огласи (ако веќе не ја гледаат вашата вкупна цена) и при наплатата. Ова не важи за попустот за резервација во последен момент.

• 10% или повеќе: гостите ја гледаат прецртаната цена за ноќевање во резултатите од пребарувањето и на огласот, како и сѐ погоре наведено.

• 20% или повеќе: гостите кои неодамна пребарувале сместувања во вашиот регион може да ги видат вашите огласи вклучени во е-поштата на Airbnb, како и сѐ што е погоре наведено.

Од ноември 2023 г., околу една четвртина од резервираните ноќевања за подолги престои беа за патувања од три месеца или подолго. Гостите кои се заинтересирани за подолги престои обично бараат сместувања со попусти.

Ако не сакате да додадете попуст на сите достапни датуми, групите правила ви овозможуваат да ја прилагодите цената за ноќевање и подесувањата на календарот во зависност од одредени фактори. Групите правила може да ги применувате на повеќе огласи или на еден оглас.

Размислете за периодот од годината кога одредувате како да ги користите групите правила. На пример, да речеме дека побарувачката во вашиот регион се менува со во зависност од сезоната. Може да создадете група правила што ќе ги прилагодува подесувањата во моментите кога нема многу резервации. Може да изберете да вклучите попусти за рана резервација и за подолг престој, да ја зголемите максималната должина на престој и да ја додадете можноста за резервација за истиот ден за да ги привлечете гостите да ги резервираат вашите достапни датуми.

Покрај попустите, може да ги измените и овие подесувања за достапност во група правила.

• Барања за должина на патувањето: поставете го минималниот и максималниот престој кои може да ги приспособите по ден. 
• Барања за пријавување и одјавување: изберете ги деновите кога гостите може да се пријавуваат и одјавуваат. 

За да користите групи на правила, изберете користење на алатките за професионално угостување. (Ако имате шест или повеќе огласи, автоматски се избрани.) Овие алатки се достапни само на десктоп компјутер. 

Откако ќе се примени група на правила, таа ќе ги замени сите постоечки подесувања за цени за ноќевање и достапност, вклучувајќи го и „Паметното одредување цени“.

За да создадете нова група правила:

1. Одете на „Приказ на повеќе календари“.
2. Изберете ги датумите на кои сакате да примените група правила.
3. Во таблата, изберете ги правилата.
4. Кликнете на „Создај нова група правила“.
5. Именувајте ја вашата група правила (на пример, „Сезона со најголема побарувачка“). 
6. Кликнете на „Приспособи“ веднаш до правилото што сакате да го додадете.
7. Внесете ги правилата за цени и достапност.
8. Кликнете на „Зачувај“.
9. За да отстраните правило, кликнете на „Откажи“.

За да уредите постоечка група правила:

1. Одете на „Приказ на повеќе календари“.
2. Кликнете на групи правила.
3. Лизгајте до групата правила со којашто сакате да управувате, а потоа кликнете на „Уреди“.

*Врз основа на податоците на Airbnb за активните огласи од јули 2022 г.

Ако користите софтвер поврзан со API, ќе можете да пристапите до овие функции од софтверот ако вашиот давател на услуги ги има интегрирано. Во спротивно, контактирајте со давателот на услуги за да дознаете кога ќе бидат достапни. Приспособените промоции може да се применат само директно на Airbnb. Некои функции за рекламирање, како што е прецртаниот стил, може да не се прикажуваат за промоции во некои географски региони.

Информациите што ги содржи статијава може да се променети по објавувањето.