Зошто вашата цена може да се појави поинаку во пребарувањата

Од минатата година, тестираме различни начини за прикажување на цената на сместувањата во резултатите од пребарувањето.

Во моментов, гостите во некои региони ги гледаат и цената за ноќевање и вкупната цена во резултатите од пребарувањето. Од овој месец, воведуваме нов експеримент за одредување цени за да ја истакнеме само вкупната цена на сместувањето за некои гости кои пребаруваат сместувања, вклучувајќи ги цената за ноќевање, надоместокот за услугата на Airbnb и сите надоместоци за чистење, миленичиња или дополнителни гости.

Целта е да се создаде полесно, побрзо и појасно искуство за гостите при резервирањето. Еве што треба да знаете за овој експеримент со цените и како да оставите повратни коментари.

Гостите во некои региони ќе ги видат само вкупните цени за сместувањата заедно со огласите во резултатите од пребарувањето. Во оваа вкупна цена нема да бидат вклучени даноците кои се појавуваат како посебна ставка на страницата за наплата.

Тестирањето важи за гости кои пребаруваат сместувања на некои локации во светот. За време на тестирањето, може да се појават банери низ огласите, со што гостите ќе бидат известени за промената.

Не. Ова нема воопшто да влијае на износот што го плаќа гостинот и на исплатите што ги добиваат домаќините.

Во секој момент имате контрола над цената којашто ја имате одредено за вашето сместување. И за време на тестирањето ќе може да ја прилагодувате цената за ноќевање во делот „Цени и достапност“ во деталите за сместувањето.

Ја осмисливме нашата постоечка услуга за да се прикажуваат различните надоместоци и даноци за гостите целосно да ги разберат потенцијалните трошоци пред да платат. Во текот на изминатата година, забележавме значително зголемување на бројот на патувањата на Airbnb и иако веруваме дека нашиот актуелен формат функционира добро, постојано се трудиме да го подобриме искуството на сите.

Со тестирање различни начини за прикажување на цените на огласите, се надеваме дека ќе утврдиме дали новиот формат може да ги зголеми резервациите за домаќините и подобро да ѝ служи на нашата глобална заедница.

Без разлика дали вашето сместување се наоѓа на локација која е вклучена во експериментот, секогаш може да го ажурирате описот за сместувањето за да истакнете зошто вие и вашиот простор сте посебни.

Исто така, може да ја прилагодите и подобрите стратегијата за одредување цени со помош на новата алатка за преглед на цените. Оваа алатка ви дава анализа на вкупната цена што ќе ја плати гостинот, како и вашата исплата, директно од сметката за угостување.

Додека продолжуваме да тестираме нови начини за прикажување на цените во резултатите од пребарувањето, ве поттикнуваме да ни давате повратни коментари. Споделете го вашето мислење за овој експеримент со нас и како и секогаш, ви благодариме што сте дел од нашата ценета заедница на домаќини.