Како да поставите ефикасна страница со оглас

Страницата со огласот е вашата прва можност да го привлечете вниманието на потенцијалните гости. Користете го насловот, описот, фотографиите, удобностите и цената за да обезбедите целосна и точна слика од она што го нудите.

Како домаќин, вие одлучувате кога и како гостите можат да го резервираат вашето место. Внимателното избирање на подесувањата за календарот и за резервациите ви помага да угостувате онака како што сакате, а истовремено помага да се спречат непотребни откажувања.

Некои од овие карактеристики вклучуваат:

• Подесувања на календарот: одржувајте го календарот ажуриран така што ќе преземете мерки како што се блокирање на датумите кога не угостувате и поставување на минималниот и максималниот број на ноќевања што гостинот може да ги резервира.

• Барање за резервација: оваа функција ви овозможува да ги прегледувате барањата за резервација пред да ги прифатите. Погрижете се да му одговорите на гостинот во рок од 24 часа.

• Инстант резервација: гостите честопати бараат сместувања кои користат „Инстант резервација“, што им овозможува да резервираат без однапред одобрено барање. Ако ја вклучите оваа функција, тоа укажува дека сте подготвени да ги угостите сите што се во согласност со вашите критериуми за резервација, што е од суштинско значење за да бидете домаќин кој не исклучува никого.

Можете да помогнете вашиот оглас да се истакне и да ги поставите очекувањата на гостите така што ќе споделите важни детали.

• Напишете детален опис. Обидете се да го вметнете она што гостите треба да го знаат за вашето сместување во насловот и описот. На пример, домаќинот кој има мало место покрај море може да напише „Удобно место за одмор покрај плажа“ како наслов на огласот. Изразувајте се на начин кој не исклучува никого за да покажете дека кај вас се добредојдени луѓе од секакво потекло.

• Наведете ги удобностите. Во популарни удобности спаѓаат wifi, самопријавување, погодно место за работа со лаптоп, бесплатен паркинг и погодно место за миленичиња, па не заборавајте да наведете сѐ што нудите.

• Споделете го куќниот ред. Тој поставува очекувања за гостите и им дава преглед на вашиот стил на угостување. Користете го куќниот ред за да споделите неопходни информации со потенцијалните гости, како што е правилото за забрането пушење.

Вашите фотографии од сместувањето може да го прикажат вашиот карактер и стил. Честото ажурирање помага точно да го прикажете она што моментално го нудите.

• Обратете внимание на првата фотографија. Насловот на огласот и насловната фотографија се првите нешта што гостите ги забележуваат во резултатите од пребарувањето. „Кога барам сместување на Airbnb, секогаш прво ги разгледувам фотографиите. Затоа, размислете што го издвојува вашето место од другите“, вели Кандида, домаќин во Џошуа Три, Калифорнија.

• Користете слики од целото сместување. Поставете повеќе фотографии од секоја соба од различни агли за да им овозможите на гостите виртуелна обиколка низ вашето место.

• Напишете кратки објаснувања. Во објаснувањата може да ги наведете важните детали, како што се билјард, длабока када или убав поглед.

• Истакнете ги карактеристиките за пристапност за лица со попреченост. Многу гости бараат карактеристики за пристапност за лица со попреченост. Додајте фотографии од нив на огласот и спомнете ги во деталите за сместувањето.

Како домаќин, ја контролирате својата цена за ноќевање и севкупната стратегија за одредување на цените. Еве неколку работи што треба да ги имате предвид:

• Локална побарувачка: може да го споредите вашето сместување со слични сместувања во близина за да бидете сигурни дека нудите добар однос цена/квалитет за локацијата и удобностите што ги обезбедувате.

• „Паметно одредување цени“: нашата алатка „Паметно одредување цени“ ви помага да поставите конкурентна цена бидејќи автоматски ја прилагодувате врз основа на побарувачката.

• Промоција за нов оглас: како нов домаќин, можеби ги исполнувате условите да им понудите попуст од 20% на првите тројца гости за да ви помогнат да ги добиете првите резервации и рецензии.

Откако ќе почнете да угостувате, обидете се деталите на огласот да бидат секогаш ажурирани. Описот и фотографиите треба да бидат точен одраз на она што го нудите, да го истакнуваат она што е уникатно за вашето место, а истовремено да помогнат да се објасни цената што сте ја поставиле.

Информациите што ги содржи статијава може да се променети по објавувањето.