Поставување корисен куќен ред
Куќниот ред поставува очекувања за гостите и им дава претстава за вашиот стил на угостување. Исто така, куќниот ред им помага на гостите да проценат дали вашето сместување им одговара пред да го резервираат.
Избор на стандардни правила за куќниот ред
Домаќините може да изберат од група стандардни правила за куќниот ред во овие области:
- миленичиња
- настани
- пушење обични и електронски цигари
- време за одмор
- време за пријавување и одјавување
- максимален број на гости
- фотографирање и снимање за комерцијални цели
Вашиот куќен ред е видливо истакнат на четири места: на страницата со огласот, на екранот додека гостите го резервираат вашето сместување, како и во е-поштата „Спакувајте се“ и во „Водичот за пристигнување“ што гостите ги добиваат пред патувањето.
Како куќниот ред помага да бидете заштитени
Со основните правила за гостите, секое правило што ќе го изберете од листата на стандардни правила на куќниот ред може да се примени. Ако некој гостин го прекрши куќниот ред, првиот чекор би бил да комуницирате со гостинот и да се обидете да го решите проблемот директно. Ако не можете да дојдете до решение, контактирајте со тимот за поддршка на заедницата за помош.
Пишување дополнителни правила
Ако имате посебни барања кои не се вклучени во групата стандардни правила за куќниот ред, нив може да ги напишете во дополнителните правила. Најдобро би било да не ги преоптоварите гостите со премногу правила, но може да додадете нешто важно во врска со локалните обичаи или здравјето и безбедноста. Неколку примери од домаќини:
- „Немаме тротоар, имаме кал, па бараме да ги соблечат чевлите бидејќи во куќата има тепих“, вели Џулиет, член на Советодавниот одбор на домаќини во Најроби, Кенија.
- „Ве замолуваме да ги затворите сите прозорци и да ги заклучите сите врати кога излегувате од апартманот“, велат Дејв и Деб, домаќини во Едмонтон, Канада.
- „Ве замолуваме да не чувате никаква храна во спалната соба“, вели Моми, домаќин во Хонолулу.
Сите дополнителни правила мора да бидат во согласност со правилата и условите на Airbnb, вклучувајќи ги и нашите „Услови за користење“ и „Политиката против дискриминација“.
Информациите што ги содржи статијава може да се променети по објавувањето.