Освежете го огласот

Угостувањето со пет ѕвезди започнува со поставување јасни очекувања на страницата со огласот. Гостите сакаат вашето место да биде во одлична состојба и да изгледа исто како вашите фотографии. Исто така, сакаат сите удобности што сте ги навеле да бидат лесни за наоѓање и користење.

Веројатноста гостите да се запрашаат за вашето место или погрешно да го проценат ќе се намали кога ќе наведете повеќе детали. Алатките што ви се потребни за освежување на деталите за сместувањето ќе ги најдете во јазичето „Огласи“.

Помогнете им на гостите да го разберат распоредот на вашиот дом така што ќе ја искористите фото-обиколката за автоматски да ги сортирате фотографиите од сместувањето по соби.

Почнете така што ќе вклучите слики од тековната состојба во секоја соба и заеднички простор.

• Користете висококвалитетни фотографии. Фотографирајте во режим на пејзаж со доволно осветлување. Поставете ја најголемата датотеката, најмалку 1024 на 683 пиксела. Размислете да ангажирате професионален фотограф.
• Поставете повеќе слики по соба. Понудете различни фотографии со широк агол, со среден и крупен кадар. Зумирајте ги корисните детали, како што е универзалниот полнач за телефон на наткасната или приборот за кафе и чај во кујната.
• Истакнете ги карактеристиките и удобностите. Поставете фотографии од аранжманите за спиење, надворешните простори и од сите посебни карактеристики за миленичиња, за семејства со деца или за лица кои работат на далечина.
• Вклучете карактеристики за пристапност за лица со попреченост. Прикажете како вашето сместување може да прими лица со ограничена подвижност. Прочитајте го упатството на Airbnb за фотографирање на карактеристиките за пристапност за лица со попреченост.

Следно, следете ги овие чекори за да ја додадете обиколката.

1. Изберете „Создајте ја вашата фото-обиколка“. Приспособениот механизам на Airbnb за вештачка интелигенција веднаш ги подредува фотографиите на огласот во 19 вида на соби и простори. Фотографиите што не ги препознава одат под „Дополнителни фотографии“.

2. Прегледајте ја фото-обиколката. Погрижете се да вклучите барем една фотографија од секоја соба во вашиот дом. Може да преместувате, додавате или бришете фотографии.

3. Додајте јасни описи на секоја фотографија преку кои ќе објасните што нуди секоја соба или простор. 

4. За да прегледате како ќе се појават фотографиите на огласот, одете на „Вашиот простор“ и притиснете на копчето „Прикажи“.

„На многу луѓе им е полесно да дознаат работи од фотографиите и може да поминат повеќе време на вашите фотографии отколку на описот за сместувањето“, вели Сејди, Супердомаќин во Санта Фе, Ново Мексико.

Гостите сакаат сместувањата на Airbnb да се совпаѓаат со описите на огласите. Висококвалитетните страници со огласи точно го опишуваат она што гостите можат да очекуваат да го видат, чујат и доживеат во вашето сместување за време на нивниот престој.

1. Проверете дали насловот на огласот додава уникатни детали за вашиот дом и неговата околина. На пример, „Тивко студио во близина на Уфици“ со неколку збора објаснува дека местото е стан што се наоѓа на централно место во Фиренца, Италија.

2. Во делот „Опис за сместувањето“, објаснете им на гостите како е да се престојува кај вас. Дајте корисни информации за вашата локација, декор или гостопримство. На пример, може да објасните дека терасата гледа кон кањонот на зајдисонце или дека вашиот дом се наоѓа над кафуле коешто работи од 6:00 до 22:00 часот.

3. Во делот „Вашиот имот“, дајте општ опис на собите и просторите. Овде нагласете ги практичните детали што обично гостите ги наведуваат во своите прашања. На пример, може да споделите дека задниот двор е ограден, па децата и миленичињата можат да трчаат наоколу. 

4. Во делот „Споделување на локацијата“, може да поставите и точна локација за вашиот имот за да им помогнете на гостите да го разберат регионот. Во спротивно, ќе ја гледаат приближната локација само откако ќе резервираат.

Јасните, искрени описи обично функционираат најдобро. Преувеличувањето на она што го нудите може да доведе до разочарување и негативни рецензии.

Алатката за уредување на оглас го прави додавањето на удобности полесно од кога било.

1. Во делот „Удобности“, притиснете на знакот „плус“ (+). Може да видите речиси 150 удобности по категории или по азбучен ред или да пребарувате одредена удобност по име.

2. Изберете го знакот „плус“ веднаш до која било карактеристика што ја имате во вашиот дом.

3. Притиснете на копчето „Прикажи“ за да видите како точно ќе изгледаат уредувањата на вашата страница со огласот за гостите.

Важно е да ги додадете сите ваши удобности и сѐ да функционира како што треба. Гостите може да ги филтрираат своите пребарувања за популарни карактеристики и удобности, како што се клима уред, бесплатен паркинг и машина за перење или сушење алишта.

Информациите што ги содржи статијава може да се променети по објавувањето.