Уредете го календарот

Гостите можат да го најдат вашето сместување во резултатите од пребарувањето во рок од 24 часа откако ќе го објавите. Стандардно, вашиот календар е целосно отворен. Важно е веднаш да ја ажурирате достапноста, а потоа да ги изберете правилата за откажување и начинот на кој гостите може да го резервираат вашето сместување.

Блокирајте го календарот за датумите кога не можете да угостувате. Ова го крие огласот од резултатите од пребарувањето и ви помага да избегнете откажување на резервациите.

„Го услужувате гостинот и треба да направите сѐ што можете за да го направите тоа како што треба“, вели Фелисити, член на Советодавниот одбор на домаќини и Супердомаќин во Нов Јужен Велс, Австралија.

Преземете ги овие чекори за да ја уредите достапноста.

• Одредете колку време однапред гостите можат да резервираат. Може да прифаќате резервации истиот ден до одредено време или да побарате гостите да резервираат до седум дена пред пристигнувањето.

• Синхронизирајте ги календарите. Синхронизирањето на календарот на Airbnb со кој било друг календар ви помага да управувате со распоредот за угостување и да избегнувате дупли резервации.

• Изберете правила за откажување. Вие одредувате колку би сакале да бидете прилагодливи или строги ако гостинот откаже. Изберете го она што ви одговара.

• Редовно ажурирајте го календарот. Ова помага да се спречи откажување на резервации и да се спречат поврзани казни и надоместоци.

Одлучете кога сакате гостите да се пријавуваат и одјавуваат и колку време сакате да има меѓу резервациите.

• Поставете минимална и максимална должина на престојот. Може да создадете приспособена должина на патувањето за одредени датуми. Секогаш следете ги локалните правила и прописи.

• Одредете го времето за подготовка. Колку долго ви е потребно вам или на лицата задолжени за чистење да исчистите меѓу гостите? Многу домаќини им дозволуваат на гостите да се пријават истиот ден кога другите гости се одјавуваат. Други блокираат едно или две ноќевања пред и по секоја резервација.

• Поставете време за пријавување и одјавување. Изберете колку рано можат да пристигнат гостите и колку доцна можат да заминат. Исто така, имате можност да поставите краен рок за пријавување ако не сакате гостите да пристигнат премногу доцна.

Може да прифаќате резервации автоматски или рачно. Ова подесување може лесно да се ажурира во секое време.

• „Инстант резервацијата“ им овозможува на сите кои ги исполнуваат вашите барања за гости и го прифаќаат вашиот „Куќен ред“ автоматски да ги резервираат достапните датуми на вашиот календар. Гостите и понатаму ќе можат да ве контактираат ако имаат прашања.

• Со барањата за резервација имаат 24 часа да го прифатите или одбиете барањето на гостинот пред да истече. Ова ви дава време да потврдите дека гостите се свесни за сите посебни правила или карактеристики, на пример, стрмни скали кои водат до единствениот влез. Ако дозволите барањата за резервација да истечат, бараните датуми ќе бидат блокирани во вашиот календар додека не ги отворите повторно.

Без оглед на тоа кој начин на резервација ќе го изберете, ажурирајте го календарот за да спречите конфликти во распоредот и откажувања.

Информациите што ги содржи статијава може да се променети по објавувањето.