Помогнете вашиот оглас да се истакне

Потрудете се вашиот оглас да се истакне во пребарувањата на гостите така што ќе додадете одлични фотографии и популарни удобности. Овие детали им помагаат на гостите да утврдат дали вашиот простор ги задоволува нивните потреби.

Фотографиите се еден од најважните делови од вашиот оглас. Еве како може да ги искористите за да го привлечете вниманието на гостите и да привлечете повеќе резервации.

• Прикажете го вашето место во најдобро светло. Забележете во кој дел од денот има најмногу природна светлина во просториите, тргнете ги завесите од прозорците и отстранете го нередот.
• Внимателно составете ја композицијата. Одберете мешавина од широкоаголни снимки и снимки со крупен кадар, центрирајќи го предметот во кадарот. Фотографирајте во висина на очите, без аголот на сликање да оди нагоре или надолу.
• Обезбедете фото-обиколка. Фотографирајте го секој простор до кој гостите имаат пристап. Фото-обиколката на Airbnb, потпомогната од вештачка интелигенција, веднаш ги организира фотографиите по соби за гостите полесно да го разберат распоредот.

Добијте повеќе совети за тоа како да направите одлични фотографии од сместувањето и дознајте како да работите со професионален фотограф преку нашата програма за професионални фотографии.

Кога го поставувате огласот, од вас се бара да изберете од кратката листа на популарни удобности. Откако ќе го објавите огласот, не заборавајте да ги додадете останатите удобности од целосната листа од речиси 150.

Многу гости користат филтри за пребарување места кои ги имаат удобностите и карактеристиките што ги сакаат. Пополнувањето на листата на удобности помага вашиот оглас да се истакне во резултатите од пребарувањето и ги поставува очекувањата на гостите.

Меѓу најпопуларните удобности што гостите постојано ги бараат на Airbnb се:

• wifi
• базен
• џакузи
• кујна
• телевизија или кабелска телевизија
• клима уред
• машина за перење и сушење алишта
• бесплатен паркинг
• самопријавување

Користете го насловот и описот за да го пренесете она што го прави вашето место посебно.

• Насловот нека биде краток. На пример, „Модерно поткровје со поглед кон центарот на градот“ користи неколку едноставни и описни зборови. Со голема буква пишувајте ги само првиот збор во насловот и личните именки. Избегнувајте емотикони, симболи и сите големи букви.
• Фокусирајте се на посебните карактеристики. Може да ја истакнете локацијата или некоја од најпопуларните удобности во насловот, на пример, „Удобна дрвена колиба со голема кујна“.
• Бидете дружељубиви. Во описот објаснете како е да се престојува кај вас исто како да му раскажувате на некој пријател. Споделете ги деталите што најмногу ви се допаѓаат.

Airbnb има основни правила кои сите гости мора да ги почитуваат. Тие се јасни и концизни: гостите мора да се однесуваат кон вашиот дом како кон свој и да се согласат со вашиот стандарден куќен ред кога резервираат.

Вашиот куќен ред им помага на гостите да разберат што дозволувате во вашиот простор. Овие правила мора да бидат во согласност со „Условите за користење“ и „Политиката против дискриминација“ на Airbnb.

Изберете од листата на стандардни правила за куќниот ред на Airbnb за овие работи:

• миленичиња
• настани
• пушење обични и електронски цигари
• време за одмор
• време на пријавување и одјавување
• максимален број на гости
• фотографирање и снимање за комерцијални цели

Може да напишете дополнителни правила во подесувањата за огласот ако имате посебни инструкции кои не се вклучени во стандардниот куќен ред.

Информациите што ги содржи статијава може да се променети по објавувањето.