Создајте престој со 5 ѕвезди

Внимателната подготовка е основата на престојот со пет ѕвезди. Искористете го овој водич во пет чекора за да започнете.

Направете го огласот привлечен, а истовремено бидете искрени за она што го нудите.

• Бидете транспарентни за тоа што ќе најдат гостите. Наведете повеќе детали за вашето соседство и удобностите за да им помогнете на гостите да одлучат дали вашето место им одговара.

• Ажурирајте го огласот како што ќе се менува и сместувањето. Ова вклучува додавање нови удобности и ажурирање на фотографиите. Некои домаќини дури и ги ажурираат своите фотографии за да одговараат на сезоната.

„Вклучете описи за необичностите на вашиот имот на начин кој е искрен и јасен“, вели Ники, Супердомаќин во Сан Франциско. „Тоа е прилика за изразување на емпатија. Целта е да ги дадете сите потребни информации за гостите да можат да го изберат имотот што го сакаат.“

Гостите очекуваат непречено пристигнување и заминување.

• Напишете јасни инструкции за пријавување. Објаснете го процесот чекор по чекор и вклучете ги сите детали што би можеле да бидат корисни, како што се фотографии или мапа со стрелки.

• Задачите при одјавувањето сведете ги на минимум. Вашите инструкции треба да може да се следат со малку или без никаков напор. Кажете им на гостите како да ја заклучат вратата на излегување.

„Процесот на одјавување го одржуваме што е можно поедноставен“, вели Кешав, член на Советодавниот одбор на домаќини и Супердомаќин во Њу Делхи. „Лицето за чистење влегува и прави сѐ, така што гостите не треба да се грижат за ништо.“

Размислете како ќе се чувствуваат гостите кога ќе влезат во сместувањето и што ќе запомнат откако ќе заминат.

• Дизајнирајте удобно место. Вклучете ги работите што придонесуваат за удобност, како што се перниците и ќебињата. Одредете место каде што гостите ќе ги чуваат личните предмети.

• Прикажете ја вашата заедница. Размислете да додадете локално уметничко дело како декор или да оставите некој регионален деликатес. Споделете ги омилените места во водич.

• Бидете достапни. Кажете им на гостите дека можат да ве контактираат во секое време. Поставете ги известувањата така што ќе добивате известување кога гостите ќе ви испраќаат пораки.

„Најважно е гостите да се чувствуваат како местото да е нивно“, вели Кетрин, Супердомаќин во Колумбус, Охајо. „Одвојте малку време и тргнете го сѐ она што би направило гостите да се чувствуваат како да се во туѓ дом.“

Размислете како да се справите со голем број проблеми што може да се појават за време на престојот на гостинот.

• Набавете материјали за итни случаи. Опремете го вашиот простор со апарат за гаснење пожар, прибор за прва помош и батериска ламба. Споделете ги телефонските броеви за итни случаи во случај на гостите да им притреба помош.

• Дознајте како сте заштитени. AirCover за домаќини обезбедува целосна заштита, која е секогаш вклучена и секогаш бесплатна.

• Формирајте тим за поддршка. Развијте ги односите со тимот за одржување. Додајте кодомаќин за да бидете сигурни дека некој секогаш ќе биде достапен за да им одговори на гостите.

Оцените и рецензиите може да ви помогнат да го подобрите она што го нудите и да изградите доверба кај гостите.

• Оставајте рецензии за гостите. Ова е можност да искажете благодарност, да споделите повратен коментар и да ги потсетите гостите да остават рецензија за вас. Домаќините и гостите имаат рок од 14 дена по одјавувањето за да остават рецензија еден за друг.
• Обрнувајте внимание на оцените со ѕвезди. Гостите може да го оценат севкупниот престој и да ви дадат ѕвезди за чистотата, точноста, пријавувањето, комуникацијата, локацијата и односот цена/квалитет.
• Одговарајте на рецензиите. Искористете го ова како можност да покажете дека сте подготвени да се подобрите. Ако одговорите на јавната рецензија на гостинот, вашиот одговор ќе се појави веднаш под неа.

„Важно е сериозно да ги сфаќате рецензиите“, вели Сејди, Супердомаќин во Санта Фе, Ново Мексико. „Гостите се навистина вашиот водич за добивање пет ѕвезди.“

Ако сѐ уште не сте ја добиле првата резервација, може да добиете лични упатства од Супердомаќин. Тие се најдобро оценетите и најискусните домаќини на Airbnb.

Информациите што ги содржи статијава може да се променети по објавувањето.