Како да го подобрите огласот со тек на време

Успешните домаќини знаат дека нивниот оглас никогаш не е целосно завршен и наоѓаат можности за подобрување на секој чекор од својот пат. Може да го ажурирате огласот за да ги истакнете популарните одлики, да ги прикажете сите промени во просторот или да бидете поконкурентни.

Не сте сигурни од каде да започнете? Еве некои идеи:

Гостите не го читаат описот секогаш, но речиси е сигурно дека ќе ги прелистаат (и проучат!) сликите. Затоа, ако неодамна сте го преуредиле просторот, сте додале нови удобности или едноставно имате малку повеќе време или пари за трошење на фотографирање, размислете за мало освежување.

• Дајте ѝ приоритет на насловната фотографија. Насловната фотографија е онаа што се појавува прва во резултатите од пребарувањето, затоа погрижете се да им го привлече вниманието на патниците.
• Додајте кратки објаснувања. Овие објаснувања им помагаат на гостите да дознаат важни информации за просторот, на пример, дали имате брачен кревет (широк 180 – 220 см) во главниот апартман или модерна машина за еспресо во кујната.
  
• Најмете стручно лице. Професионалните фотографии ќе се исплатат. Проверете дали Airbnb нуди професионално фотографирање во вашиот регион.
• Фотографирајте како професионалец. Има многу нешта што ќе ви помогнат да ги подобрите фотографиите од сместувањето со паметен телефон. Подобрете ги фотографиите што ги правите сами со овие совети за фотографирање.

Обидете се деталите за вашиот оглас да бидат што е можно попрецизни и ажурирани. На пример, ако веќе немате пристап до заедничкиот базен, отстранете ги сите информации за него.

• Направете го описот краток и јасен. Повеќето гости немаат време да читаат многу детали, затоа фокусирајте се на нештата што им се најважни.
• Претставете го вашиот стил на угостување. Досега, веројатно сте добиле претстава за тоа каков домаќин сте. Не плашете се, дозволете вашиот карактер да заблеска во деталите на огласот.
• Обраќајте им се на гостите што сакате да ги привлечете. Можеби сте угостувале многу семејства или деловни патници. Размислете да го прилагодите тонот така што ќе одговара за тие гости и истакнете ги одликите што најмногу ќе им се допаднат.

Дали гостите ви побарале фен за коса? Дали спомнале во рецензиите дека немате чајник? Ова се одлични повратни коментари. Искористете ги за да одлучите што да купите за вашиот простор и не заборавајте да ја ажурирате листата на удобности откако ќе ги додадете. Еве некои од најбараните удобности:*

• базен
• wifi
• кујна
• бесплатен паркинг
• џакузи
• машина за перење или сушење
• клима уред или греење
• самопријавување
• погодно место за работа со лаптоп
• можност за престој со миленичиња

Ако сте нови во угостувањето на Airbnb, може треба да размислите да поставите цена за ноќевање која е пониска од пазарната вредност за да го направите огласот попривлечен. Откако ќе угостувате некое време и ќе добиете позитивни рецензии што ќе ви го истакнат огласот, повторно проверете ја цената и пробајте да ја најдете најконкурентната.

Алгоритмот за пребарување на Airbnb зема предвид повеќе од 100 елемента за совпаѓање на гостите со огласите што ги сакаат.

Искористете ги повратните коментари од гостите – како сјајните рецензии, така и оние помалку позитивните – за да си го дотерате огласот. Ги воодушевил вашиот двор? Прикажете го на фотографиите. Од друга страна, пак, можеби гостите се изненадиле што локацијата не е многу погодна за пристигнување до и од аеродромот. Ако појасно ги искажувате ваквите информации во описот на огласот, идните гости полесно ќе дознаат што да очекуваат.

Ако успеете да ги искористите ваквите сознанија за да си го подобрите огласот, ќе почнете да добивате повеќе резервации, гостите ќе бидат посреќни и ќе добивате повисоки оцени, а ќе бидете и чекор поблиску до статусот на Супердомаќин.