Како да поставите стратегија за одредување цени

Цената е една од главните работи што гостите ги земаат предвид кога избираат каде да престојуваат. Без разлика колку е прекрасно вашето сместување, ако има повисока цена од слични сместувања во близина, постои голема веројатност да пропуштите резервации.

Огласите чии цени беа ажурирани четирипати во 2022 година имаа над 30% повеќе резервирани ноќевања од оние кои не ги променија.* Размислете за овие совети за да смислите стратегија за одредување цени којашто најмногу ви одговара.

Користете го календарот за да ја споредите својата цена со просечните цени на слични сместувања во близина на мапата од вашиот регион. Може да изберете дали ќе ги гледате резервираните или нерезервираните сместувања.

Еве како да ги споредите цените на мапата:

• Изберете кој било датум или опсег на датуми до 31 ноќевање.

• Притиснете или кликнете на вашата цена за ноќевање, а потоа на копчето што покажува игла за локација со зборовите „Слични сместувања“ и опсег на цени.

Цените прикажани на мапата ја одразуваат просечната цена за резервирано или нерезервирано ноќевање за секое сместување за избраните датуми. Факторите што одредуваат кои сместувања се слични ја вклучуваат локацијата, големината, карактеристиките, удобностите, оцените, рецензиите и другите сместувања што гостите ги прелистуваат додека го разгледуваат вашето.

Разбирањето на тоа колку плаќаат гостите може да ви помогне да ја понудите најдобрата цена и да ги остварите своите цели за заработка. Во вкупната цена е вклучена вашата цена за ноќевање, сите дополнителни надоместоци што ќе ги поставите (за чистење, за дополнителни гости или за миленичиња), надоместоците за услуги на Airbnb и даноците.

Конкурентното одредување цени може да ви помогне вашиот оглас да се истакне и да се рангира повисоко во резултатите од пребарувањето. Алгоритмот ја приоритизира вкупната цена и квалитетот на сместувањето во споредба со сличните сместувања во близина.

Некои трошоци што ги вклучувате во цената можеби не им се очигледни на гостите. Дали нудите дополнителни работи како целосен појадок, луксузни производи за бањање или услуги за емитување програми? Појаснете го тоа во описот за сместувањето за да им помогнете на гостите да дознаат што всушност добиваат за вашата цена.

Попустите и промоциите ви овозможуваат да понудите пониски цени под одредени услови без да ја менувате редовната цена за ноќевање. Овие алатки се од корист во различни ситуации, на пример, кога ги пречекувате првите гости или кога угостувате лица за подолги престои.

• Нови огласи: промовирањето сосема нов оглас со попуст од 20% на цената за ноќевање може да ви помогне да ги привлечете првите тројца гости да резервираат. Податоците на Airbnb покажуваат дека домаќините кои ја нудат оваа промоција во текот на првите 30 дена кога огласот е активен, побрзо ја добиваат првичната резервација.

• Подолги престои: нудењето на неделни и месечни попусти може да доведе до поголема пополнетост, поретка промена на гости и помалку работа за вас. Резервациите за една седмица или подолго сочинуваат 46% од резервираните ноќевања на Airbnb во 2022 г.

Попустите и промоциите кои се достапни за вашето сместување може да се постават од календарот за угостување.

*Врз основа на огласи ширум светот (освен во Кина, Белорусија, Русија и Украина) што имале едно или повеќе достапни ноќевања од јануари до декември 2022 г. и ја немале вклучено функцијата „Паметно одредување цени“. Дополнителни фактори влијаат на резервираните ноќевања.

Информациите што ги содржи статијава може да се променети по објавувањето.