Како функционираат цените на Airbnb

Постојат 3 вида цени на Airbnb: основни, за викенд и приспособени. Тие заедно помагаат вашиот оглас да се истакне во текот на целата година и да ги исполните вашите цели за заработка.

Airbnb нуди персонализирани совети за цени за сите 3 вида цени. Користат фактори како што се локацијата, удобностите, вашите претходни резервации и најновите цени во вашиот регион.

Вашата основна цена е стандардната цена за сите ноќевања на вашиот календар. Прво ја избирате оваа цена во „Започнете на Airbnb“ и може да ја промените во подесувањата за цени во секое време.

Под бројот што ќе го внесете се појавува совет со предлог за основната цена. Ако сакате да поставите различна цена, обидете се да ги балансирате трошоците со она што гостите се подготвени да го платат. Еве неколку работи што треба да ги земете предвид.

• Вашите трошоци за угостување: фактори како што се хипотека, комунални услуги, одржување и даноци.
• Односот цена/квалитет што го нудите: размислете како да го издвоите вашиот оглас истакнувајќи популарни удобности, карактеристики за пристапност за лица со попреченост и близина до локални атракции.
• Слични сместувања: користете ја оваа алатка за одредување цени за да ја споредите просечната цена на резервираните и нерезервираните сместувања на мапата од вашиот регион. Сличните сместувања нема да се појават ако користите „Паметно одредување цени“.
• Вкупната цена што ја плаќаат гостите: сите надоместоци што ги додавате, како што е надоместокот за чистење, влијаат на вкупната цена.

Ако почнете со пониска основна цена, полесно ќе ги привлечете првите гости и рецензии додека работите кон остварување на своите цели за заработка.

Може да вклучите додаток за викендите, односно за ноќевања во петок и сабота. Промената на цената врз основа на ноќевањето може да ви помогне да го зголемите бројот на резервации.

Под бројот што ќе го внесете се појавува совет за цената за викенд и претставува процентуално зголемување во однос на основната цена. Ако не поставите цена за викенд, основната цена важи за секој ден од неделата.

Може да одредите приспособена цена за кое било ноќевање. Ова ја поништува вашата основна цена или цената за викенд за ноќевањата што ќе ги изберете.

Советите за цена за ноќевање се појавуваат под приспособената цена за секој ден од календарот за да ви помогнат да одредите цена за различни денови, сезони и специјални настани.

Ако не гледате совети за цена, ова може да биде затоа што:

• е вклучено „Паметното одредување цени“
• цената е во рамките на предложениот опсег
• попустите или промоциите веќе се применуваат за тие ноќевања
• нема доволно податоци за да се генерираат совети за цена

Ако сакате автоматски да ја прилагодувате цената, вклучете „Паметно одредување цени“.

Контролата врз цените и другите подесувања е постојано во ваши раце. Вашите резултати може да се разликуваат.

Информациите што ги содржи статијава може да се променети по објавувањето.