Искористете ги рецензиите на гостите за да се подобрите

Подобрите оцени и рецензиите може да доведат до повеќе резервации и поголема заработка. Еве како да се справите со процесот на рецензија и да го претворите мислењето на гостите во надградби.

Покажете им на гостите дека сакате да се подобрите така што ќе побарате повратен коментар.

• Испратете закажана порака при одјавувањето. Побарајте приватен повратен коментар од гостите, вклучувајќи конкретни идеи за тоа како сте можеле да го направите нивното искуство уште подобро.

• Оставете рецензија за гостите. Ова ги потсетува јавно да остават рецензија за вас. Имате рок од 14 дена по одјавувањето за да оставите рецензија еден за друг.

Развијте едноставен процес за да одредите кои предлози да ги вклучите.

• Прочитајте ја секоја рецензија. Заблагодарете им се на гостите за нивниот придонес и размислете што има смисла за вашиот простор и рутина, како и за другите гости.
• Обрнете внимание на оцените со ѕвезди. Гостите може да остават оцена со ѕвезди во одредени категории и да изберат од листата што било добро или што би можело да биде подобро. Внимавајте на нешто што се повторува, на пример, ако гостите постојано избираат „прекумерен неред“ кога ја оценуваат чистотата или „нејасни инструкции“ кога го оценуваат пријавувањето.

Секогаш е можно да се подобри она што им го нудите на гостите.

• Одговорете на рецензиите. Кога гостите ќе остават предлози, одговорете им за да им се заблагодарите и да одговорите на нивниот повратен коментар. Ова покажува дека сериозно ги сфаќате повратните коментари. Ако одговарате на јавна рецензија, вашиот одговор ќе се појави под нивниот.
• Фокусирајте се на решенијата. Кога има проблем, откријте ја главната причина и дознајте што можете да контролирате. На пример, може да осветлите темна просторија со помош на светилки, растенија на кои не им треба многу светлина и огледала.
• Споделете повратен коментар со вашиот тим за поддршка. Можеби ќе треба да им дадете дополнителни упатства на кодомаќините и лицата задолжени за чистење. На пример, ако гостите нашле трошки на каучот, пренесете го тоа на оној што ви помага при чистењето.
• Ажурирајте го огласот. Рецензиите обично го покажуваат до кој степен ги исполнувате очекувањата. Погрижете се удобностите, фотографиите и описот за сместувањето да се совпаѓаат со она што моментално го нудите.

Информациите што ги содржи статијава може да се променети по објавувањето.