Подобрени оцени и рецензии

Белешка на уредникот: оваа статија е објавена како дел од Зимското издание за 2023 г. на Airbnb. Информациите може да се променети по нивното објавување. Дознајте повеќе за најновото издание на нашиот производ.

Гостите се потпираат на оцените и рецензиите за да го проценат квалитетот на домот пред да резервираат. Но гостите ни кажаа дека им е премногу тешко да најдат рецензии што им се релевантни.

Затоа ја редизајниравме страницата со оцени и додадовме три нови функции што ги прават рецензиите полесни за читање и многу покорисни.

Во делот за рецензии на страницата со огласот, нов графикон ја прикажува распределбата на рецензиите од една до пет ѕвезди. Ова им овозможува на гостите брзо да го видат бројот на позитивни и негативни рецензии откако е огласен вашиот дом.

Гостите отсега можат да ги подредуваат вашите рецензии по „Највисоко оценети“ или „Најнови“, што ќе им олесни да ги најдат рецензиите што им се најважни. Ова им овозможува или да ги прочитаат сите ваши рецензии со пет ѕвезди на едно место или да ги разгледаат вашите рецензии, почнувајќи од најновите.

Оцената со ѕвезди сега ќе се појавува веднаш до секоја рецензија, а со тоа повратните коментари на гостите ќе се ставаат во подобар контекст. Ако гостинот го оцени вашето место со четири ѕвезди, но остави сјајна рецензија, идните гости ќе имаат подобра претстава за вашата севкупна оцена.

Рецензиите вклучуваат и повеќе информации за рецензентот и неговиот престој, вклучувајќи од каде е, колку долго престојувал и дали патувал со семејството, со миленичиња или во група. Ова ќе им помогне на идните гости да ги најдат рецензиите што одговараат на деталите за нивниот престој.

На пример, ако гостинот патувал со деца, ознаката „Престојуваше со деца“ ќе се појави над неговата рецензија. Ако гостинот престојувал седум ноќевања, „Престојуваше една седмица“ ќе се појави над неговата рецензија.*

Подобрените оцени и рецензии, новото јазиче „Огласи“ и уште повеќе надградби за домаќините се дел од зимското издание на Airbnb за 2023 г.