Комуницирајте поефикасно со надградби на пораките

Испраќањето пораки е голем дел од ефикасната комуникација како домаќин. Надградбите на јазичето „Пораки“ ќе ви помогнат да заштедите време и јасно да им одговорите на гостите.

Новите шаблони за брз одговор содржат одговори на најчесто поставуваните прашања, така што не мора да почнувате да пишувате од нула. Можете да ги уредувате и испраќате овие шаблони додека разговарате со гостите или да ги закажете да се испратат подоцна.

Другите нови функции во јазичето „Пораки“ вклучуваат:

• Одговори во разговор кои ви помагаат да ги одржите разговорите организирани.
• Алатки за уредување што ви овозможуваат да ги уредувате или да го откажете испраќањето на пораките што сте ги испратиле.

Овие надградби се воведуваат за сите домаќини во текот на следните месеци.

Над десетина нови шаблони за брз одговор ви даваат примерок од одговорите на најважните прашања на гостите на теми како што се насоки, wifi и одјавување. Користете однапред напишана порака или уредете ја за да го одразува вашиот стил на угостување, удобностите или потребите на гостите.

Новите шаблони, исто така, додаваат функции за да ја направат комуникацијата побрза и полесна.

• Предлози: кога еден од новите шаблони може да ви помогне да одговорите на прашањето на гостинот, автоматски се појавува брз одговор предложен од вештачка интелигенција во вашиот разговор каде што само вие можете да го видите. Можете да го прегледате и уредите одговорот пред да го испратите или да напишете друга порака.
• Детали: новите брзи одговори содржат резервирани места каде што автоматски се пополнува името на гостинот и одредени детали за резервацијата и сместувањето кога ќе се испрати пораката.
• Потсетници: кога ќе се појави порака што сте ја закажале, ќе видите потсетник во разговорот со гостинот. Прилагодете ја или прескокнете ја пораката ако се повторуваат информациите што веќе сте ги споделиле.

Новите функции ќе бидат достапни на почетокот на 2025 година. Дотогаш, може да ги користите нашите тековни алатки за да создадете свои брзи одговори и да закажете пораки за гостите. Нема да ги изгубите шаблоните што сте ги зачувале кога ќе додадеме нови.

Ви ги претставуваме одговорите во разговор и алатките за уредување што ќе ви помогнат да управувате со пораките.

• Одговори во разговор: кога ќе одговорите на одредена порака во разговор, вашиот одговор се става под оригиналната порака. Гостите можат да одговорат на ист начин, создавајќи низа поврзани пораки.
• Алатки за уредување: ќе можете да ја уредите пораката во рок од 15 минути од нејзиното испраќање и да го откажете нејзиното испраќање во рок од 24 часа.

Одговорите во разговор и алатките за уредување почнуваат да се воведуваат во ноември. Надградбите на јазичето „Пораки“ се дел од Зимското издание за 2024 г.

Информациите што ги содржи статијава може да се променети по објавувањето.