Како ефикасно да комуницирате со гостите

Од клучно значење е гостите да имаат важни информации пред да се пријават, како што се насоки и инструкции за пристап до вашето место. Како дел од основните правила за домаќини, секогаш треба да бидете подготвени да одговарате на прашања и да ги решавате проблемите на гостите што е можно поскоро.

Откако гостите ќе се сместат, бидете достапни во случај да имаат прашања. Испробајте ги овие совети за да одговарате побрзо:

• Преземете ја Airbnb апликацијата на вашиот телефон и вклучете ги известувањата. Може да добивате известувања преку СМС, е-пошта или директно од апликацијата.
• Користете брзи одговори. Напишете и зачувајте пораки кои ќе можете да ги испратите за неколку секунди. Така, секогаш кога некој гостин ќе постави вообичаено прашање, ќе можете брзо да одговорите.
• Пробајте ги закажаните пораки. Со оваа алатка, гостите добиваат автоматски пораки во важни моменти, како на пример по резервирањето или пред пријавувањето.
• Најмете кодомаќин за да ви помогне да им одговорите на гостите ако не можете да го проверувате телефонот или е-поштата.

Кога некој гостин ќе го резервира вашето сместување, испратете топла и пријатна порака. Покажувањето емпатија, без да правите претпоставки, е многу важно.

Не заборавајте да стапите во контакт во овие клучни моменти:

• Пред пристигнувањето: дајте им на гостите јасни насоки и инструкции за пријавување најмалку 24 часа пред нивното закажано време за пристигнување.
• Пријавување: бидете достапни за да бидете сигурни дека гостите ќе влезат внатре и одговорете на сите нивни прашања.
• По првото ноќевање: бидете отворени за комуникација со тоа што ќе испратите кратка порака за да прашате како им поминало првото ноќевање на гостите и дали им треба нешто.
• Пред одјавувањето: потсетете ги гостите за времето на одјавување и за сите потреби при одјавувањето, како што е исклучување на светлата или намалување на греењето.
• По заминувањето: испратете кратка порака за да изразите благодарност, што може да ви помогне да ги потсетите гостите да напишат рецензија.