Привлечете гости со новиот тест за брзина на wifi мрежата
На многу гости им е потребен брз интернет за да си поминат одлично, а пак од суштинско значење е за гостите кои работат на далечина. Всушност, истражувањето на Airbnb покажува дека wifi мрежата е една од удобностите што гостите најчесто ги бараат и дека додавањето на погодно место за работа со лаптоп во удобностите на огласот може да им помогне на некои домаќини да ја зголемат својата заработка.*
Кога станува збор за wifi мрежата, брзината е важна – од гледање филмови до приклучување на конференциски повик без проблем. Сега домаќините може да ја потврдат брзината на wifi мрежата во своето сместување без да ја напуштат Airbnb апликацијата така што ќе го користат новиот тест за брзина на wifi мрежата. Оваа алатка ви овозможува лесно да ја тестирате брзината на wifi мрежата на имотот, а потоа да ја прикажете директно на страницата со огласот што ќе ви помогне да привлечете повеќе гости кои бараат сместувања со добра интернет врска.
Се тестира wifi мрежата преку Airbnb апликацијата
Тестот за брзина на wifi мрежата моментално е достапен на Airbnb апликацијата за iOS и Android. За да започнете, треба да сте во вашето сместување и да сте поврзани со wifi мрежата на имотот.
Откако ќе го направите тоа, следете ги овие чекори:
- Притиснете на „Профил“, а потоа притиснете на „Префрли се на режим на угостување“.
- Притиснете на „Огласи“ и притиснете на посакуваниот оглас.
- Во делот „За сместувањето“, одете на „Удобности“.
- Придвижете се до „Wifi“ и притиснете на „Додај детали“.
- Притиснете на „Тестирај ја брзината на wifi мрежата“ (ќе треба да дозволите пристап до локацијата, ако веќе не е одобрен).
- Притиснете на „Започни го тестот“.
- Откако ќе се прикажат резултатите, притиснете на „Зачувај“ за да се појави брзината на wifi мрежата на страницата со огласот.
- Ако брзината на wifi мрежата е 50 Mbps или повеќе, огласот ќе биде означен како сместување со брза wifi мрежа.
Разбирање на брзината на wifi мрежата
Брзината на интернетот се мери во мегабити во секунда и тој податок може да покаже колку е брза вашата wifi мрежа. Еве ги различните отчитувања што можете да ги добиете од тестот за брзина на wifi мрежата и нивното значење:
- Нема отчитување: нема wifi. Немате wifi мрежа или не можете да се поврзете. Обидете се да го рестартирате рутерот или да се преместите на друго место во вашиот имот.
- 1 – 6 Mbps: основна брзина на wifi мрежата. Гостите може да проверуваат пораки и да прелистуваат на интернет.
- 7 – 24 Mbps: солидна брзина на wifi мрежа. Гостите може да гледаат видеа со висока резолуција.
- 25 – 49 Mbps: прилично брза wifi мрежа. Гостите може да гледаат видеа со повисок квалитет 4K и да се приклучат на видеоповици.
- Над 50 Mbps: Одлично! Брза wifi мрежа. Гостите може да гледаат видеа 4K и да се приклучат на видеоповици на повеќе уреди. На вашиот оглас ќе истакнеме „брза wifi мрежа“.