Како да се погрижите вашето сместување да биде беспрекорно чисто

Нудењето чист простор е најважниот дел од гостопримството со пет ѕвезди. Како дел од основните правила за домаќини, сите сместувања огласени на Airbnb треба да бидат чисти и без опасности по здравјето при пријавувањето на гостите. Домаќините кои имаат солидна стратегија за чистење ќе имаат најголем успех.

Без разлика дали ќе ја завршите работата сами или ќе ангажирате лице задолжено за чистење, од витално значење е вашето сместување да биде темелно исчистено помеѓу секој гостин, секојпат.

Ако гостите најдат влакна во бањата или валкани садови во мијалникот, нивниот престој ќе биде нарушен. Тоа може да ги наведе да напишат лоша рецензија, па дури и да го прекинат престојот порано.

Ако најмите лице задолжено за чистење, самите поминете го процесот на чистење еднаш за да знаете точно што треба да се направи. Оставајте доволно време помеѓу резервациите за темелно чистење. Најмете и второ лице за чистење или имајте друг резервен план во случај првото лице да не може сѐ да заврши во еден ден.

Кога го составувате планот, може да ги следите овие совети од други домаќини:

• Извадете ги постелнините од креветите и прво наполнете една машина за перење за да имате доволно време да ја пуштите неколкупати ако е потребно.
• Избришете ги и исчистете ги сите површини, обрнувајќи посебно внимание на површини што често се допираат, како што се далечинските управувачи и рачките на вратите.
• Наместете ги креветите, сменете ги крпите, одново наместете ги декоративните ќебиња и перници и поминете со леплив валјак за влакна секаде каде што е потребно.
• Отворете ги прозорците додека чистите за да влезе свеж воздух ако временските услови го дозволуваат тоа.
• Сметете ги и избришете ги подовите на крајот за да ја соберете прашината и остатоците.

• Сите површини треба да бидат избришани и исчистени.
• Сите подови треба да се сметат со правосмукалка или метла, а потоа да се исчистат со влажна крпа.
• Никаде не треба да има бубачки, штетници, пајажини, мувла и флеки.
• Сите постелнини и крпи треба да бидат чисти, свежо испрани и без флеки.
• Сите кревети треба да се наместат, да се истресат и да се исчистат од влакна.
• Сите тоалети, мијалници, тушеви и кади треба да бидат чисти и дезинфицирани.
• Сите шампони, средства за миење тело, сапун за раце и средства за миење садови треба да се дополнат.
• Сите лични предмети треба да се тргнат.
• Сите садови и приборот за готвење и јадење треба да се исчистат и да се приберат.
• Сите кујнски апарати, вклучувајќи ги и фрижидерот, шпоретот и рерната треба да бидат чисти и подготвени за употреба. Не треба да има остатоци од храна во фрижидерот.
• Целото ѓубре треба да се извади.
• Просторот треба да мириса свежо и чисто.