Како да поставите јасни очекувања за секој гостин

Како дел од основните правила за домаќини, страницата со огласот треба точно да го опишува вашето место, како одраз на карактеристиките и удобностите достапни од пријавувањето до одјавувањето. Гостите ќе бидат разочарани ако нивното искуство не се совпаѓа со начинот на кој сте го опишале вашиот простор.

Не го преценувајте вашето сместување и не пропуштајте ништо значајно. Најдобро е да бидете искрени за можните недостатоци на вашето место и вашето соседство, на пример ако завесите пропуштаат многу светлина наутро или вашето место е во близина на градежна зона.

Погрижете се правилно да ги поставите очекувањата на гостите со овие совети:

• Кажете им на гостите што точно можат да очекуваат во описот за сместувањето и додајте фотографии со описи. Ако има куче на имотот или ако скалите крцкаат, известете ги гостите.
• Внесете го точниот број на соби и бањи. Видот на сместувањето треба да одговара на вашето вистинско сместување. Ако се наоѓа во станбен комплекс, не го опишувајте како селски дом.
• Не претерувајте при опишувањето на удобностите. Ако сте оддалечени еден час од некоја популарна атракција, не кажувајте дека сте во близина, наведете колкаво е растојанието. Ако вашиот базен или хидромасажна када работат само во одредени сезони или во одредено време, наведете го тоа во вашиот оглас.

Успешните домаќини не ветуваат многу, а исполнуваат многу повеќе од очекуваното. Ова значи дека не ги разубавуваат деталите во описот за сместувањето и вложуваат дополнителни напори за да понудат одлично гостопримство.

Обидете се да ги воодушевите гостите при пријавувањето со овие предлози:

• Обезбедете реалистични фотографии. Избегнувајте прешироки агли и прекумерно уредување кои го прават просторот да изгледа поголем или посветол отколку што е. Може да ангажирате професионален фотограф од Airbnb на некои локации.
• Применувајте рутинско одржување. Проверувајте го просторот често за да потврдите дека сѐ што е наведено е достапно и функционира. Ако имате хидромасажна када, базен, машина за миење садови и слично, погрижете се да бидат беспрекорни и да работат правилно пред да пристигнат гостите.
• Понудете нешто дополнително во знак на благодарност за гостите. Ова може да биде нешто многу едноставно, како рачно напишана порака за добредојде или кутија колачиња.