Како да се справите со одмаздничка рецензија

Домаќините треба да се чувствуваат пријатно да ги пречекуваат гостите без да се грижат за можноста за одмаздничка рецензија. Може да побарате отстранување на рецензии за кои сметате дека не се во согласност со нашите „Правила за рецензии“, како што се одмаздничките рецензии.

Одмаздничките рецензии се пристрасни рецензии што гостите може да ги остават откако ќе пријавите сериозно прекршување на правилата, како на пример:

• Оштетување на вашиот имот.
• Прекумерно останување на гостинот во сместувањето.
• Прекршување на стандардниот куќен ред.
• Организирање недозволена забава или настан во вашето сместување.

Да речеме дека гостинот пуши во вашето сместување, а според вашиот куќен ред тоа е забрането. Му кажувате на гостинот дека сте нашле отпушоци од цигари во дневната соба и поднесувате барање за обесштетување за темелно чистење. Како одговор на тоа, гостинот одбива да плати и остава лута рецензија. Може да ја оспорите оваа рецензија, а ние ќе истражиме за да утврдиме дали ги исполнува условите за отстранување.

Дознајте како да побарате отстранување на рецензија

Барањето за отстранување рецензија не гарантира дека ќе биде отстранета. Од вас ќе биде побарано да покажете како рецензијата не ги почитува нашите „Правила за рецензии“. Ќе може да ни доставите какви било детали и документација во врска со прекршувањето на правилата, како што се фотографии или разговори со гостите.

Вашата документација ќе треба да покаже дека се случило јасно прекршување на правилата. Исто така, мора да е јасно дека пријавувањето на прекршувањето на правилата на Airbnb и/или на гостинот најверојатно довело до одмаздничка рецензија.

Би било добро да ја чувате целата комуникација со гостите во јазичето „Пораки“ за тимот за поддршка на Airbnb да може лесно да ја прегледа оваа документација.

Домаќините ни кажаа дека нашите правила за одмазднички рецензии им помогнале да угостуваат со самодоверба. Домаќинот Лиен вели дека одмаздничката рецензија на нејзиниот оглас била веднаш проверена и отстранета кога го поднела барањето. Навистина почувствувала дека Airbnb е тука за да ѝ помогне.

Информациите што ги содржи статијава може да се променети по објавувањето.