Оваа содржина не е достапна на јазикот кој го избравте, па ја направивме достапна на најблискиот достапен јазик засега.

Поставување цена за подолги престои

Неделните и месечните попусти може да помогнат да се подобри рангирањето во резултатите од пребарувањето и да се зголеми бројот на резервации.
Од Airbnb на 11 мај 2021 г.
Четиво од 3 мин.
Ажурирано на 17 мај 2023 г.

Скоро едно од пет ноќевања резервирани на Airbnb е дел од престој од 28 ноќевања или повеќе.* Угостувањето лица за неделни и месечни престои честопати води до придобивки како:

  • Повисоки стапки на пополнетост со поретка промена на гости

  • Помалку пораки од гостите, а со тоа и помалку работа околу нив

  • Постабилен приход во споредба со пократките престои

Гостите кои се заинтересирани за подолги престои обично бараат сместувања со попусти. Домаќините може да додадат неделен попуст за резервации од седум ноќевања или повеќе, или месечен попуст за резервации од 28 ноќевања или повеќе.

Со додавање ваков попуст, рангирањето на вашиот оглас во резултатите од пребарувањето може да се подобри, а неделниот или месечниот попуст ќе биде истакнат веднаш до првичната цена.

Земање предвид на локалната побарувачка и вашите трошоци

Пред да поставите попуст, можеби ќе сакате да ја проверите локалната побарувачка. Ако угостувате во регион што привлекува повеќе народ во одредена сезона, размислете дали промената на цената за одредени месеци би можела подобро да ја поддржи вашата стратегија за одредување цени.

Можеби треба да ги земете предвид и рутинските трошоци како што се:

  • Хипотека или кирија. Овој износ може да ви даде идеја за одредување на неделниот или месечниот попуст.

  • Трошоци во домаќинството. Во цената може да го вклучите износот што го плаќате за комунални услуги (вода, гас, електрична енергија), редовно планирани услуги како чистење и градинарство и предмети што избирате да им ги обезбедите на гостите (дополнителен сапун, основни намирници за готвење итн.).

  • Одржување. Парите што ги вложувате во сместувањето за да им биде поудобно на гостите, од реновирање до поправка, може да влијаат на вашата цена.

„Добро би било да го додадете износот што го заработувате за еден месец кога гостите ја плаќаат вашата цена за ноќевање“, вели Оливер, домаќин од градот Њујорк. „Потоа можете да го приспособите месечниот попуст за да одговара на тој вкупен износ, што помага приходите да ви бидат посигурни.“

Поставување неделен или месечен попуст

Може да додадете попусти користејќи ги алатките за одредување цени во календарот. Изберете ја иконата за подесувања во горниот десен агол. Во јазичето „Цени“ придвижете се до „Попусти“ и изберете „Неделно“ или „Месечно“.

Ќе најдете предложен попуст врз основа на вашето сместување и побарувачката за слични сместувања во вашиот регион. Поместете го лизгачот некаде помеѓу 0 и 99% за да го прилагодите попустот и следете како се менува вашата просечна неделна или месечна цена. Можете и рачно да внесете број до знакот за процент. Кога ќе завршите, притиснете или кликнете на „Зачувај“ за да го поставите попустот што го сакате.

За да проверите како попустот влијае на вашата заработка, изберете ги зборовите „цена за гостинот“ под неделната или месечната цена. Ќе добиете анализа на цената, во која се наведени цената за ноќевање, надоместоците, сите попусти или промоции, даноците и вашата заработка.

Исто така, може да им понудите попусти на гостите кои резервираат многу време пред или блиску до датумот на пристигнување. Одете на делот „Повеќе попусти“ во јазичето „Цени“. Додајте го бројот на месеци за рани резервации или денови за патниците кои патуваат во последен момент и процентот што сакате да го одобрите за тие резервации.

*Врз основа на внатрешните глобални податоци на Airbnb, престоите од 28 ноќевања или повеќе сочинуваат 21% од ноќевањата резервирани во 2022 година и 18% од ноќевањата резервирани во првите три месеца во 2023 година.

Информациите што ги содржи статијава може да се променети по објавувањето.

Airbnb
11 мај 2021 г.
Дали ова беше корисно?