Како домаќините можат да имаат корист од надградби за месечни престои

Патниците низ целиот свет го користат Airbnb за подолги патувања. Скоро едно од пет резервирани ноќевања е дел од престој од 28 ноќевања или повеќе.* Најновите функции им овозможуваат на гостите полесно да ги пронајдат и да ги резервираат месечните престои.

Надградбите, најавени како дел од Летното издание на Airbnb за 2023г., вклучуваат:

• Подобрено месечно пребарување. Јазичето „Месечно“ го олеснува пребарувањето огласи за сместувања достапни за подолги престои. Гостите може да го уредат својот почетен датум, а потоа да го изберат времетраењето на патувањето со помош на бирач, од еден до 12 месеца.
• Исклучителни одлики на огласот при пребарувањето. Клучните удобности како брза wifi мрежа, простор наменет за работа, полнач за електрични возила и предмети погодни за деца (детски креветчиња, високи столчиња за хранење, играчки итн.) се појавуваат под насловот на огласот во резултатите од пребарувањето.
• Намалени надоместоци за услугата. Го намалуваме надоместокот за услугата за гости за оние кои резервираат подолги патувања, почнувајќи од четвртиот месец од престојот.
• Месечен распоред за плаќање. Гостинот плаќа за првите 30 ноќевања од подолг престој кога резервира, а преостанатото салдо на месечни рати. При одјавувањето, добива распоред на кој се прикажани датумите на ратите и износите што доспеваат за да може да си ги испланира трошоците за патувањето.
• Попусти при плаќање преку банка. Жителите на САД може да добијат попуст за престој од 28 ноќевања или повеќе низ целиот свет кога плаќаат од поврзана банкарска сметка во САД. Резервацијата мора да биде завршена најмалку седум дена пред пријавувањето.     

Новите функции не влијаат на заработката на домаќинот и не го менуваат распоредот на исплата за подолги престои.

Може да ги поттикнете гостите да резервираат, така што ќе поставите месечен попуст и ќе го ажурирате огласот за да ги вклучите сите тековни удобности. Удобностите популарни за подолги престои автоматски се истакнуваат на горниот дел на страниците со огласи.

На пример, гостин кој бара тримесечен престој во областа на заливот Сан Франциско може да најде оглас со овие информации прикажани на видно место:

• Плаќање по месец. Ќе плаќате на месечни рати.
• Одлично за работа од далечина. Брза wifi мрежа со брзина од 350 Mbps, како и простор наменет за работа.
• Удобности за секојдневен живот. Домаќинот го опреми местово за долги престои. Вклучени се кујна, машина за перење, машина за сушење алишта и бесплатен паркинг.

Ако сте нов домаќин кој сака индивидуална поддршка во врска со подолги престои, кликнете тука и ќе ве поврземе со Супердомаќин-амбасадор за помош. 

*Врз основа на внатрешните глобални податоци на Airbnb, престоите од 28 ноќевања или повеќе сочинуваат 21% од ноќевањата резервирани во 2022 година и 18% од ноќевањата резервирани во првите три месеца во 2023 година.

Информациите што ги содржи статијава може да се променети по објавувањето.