Одете напред за да пристапите до предложените резултати

    Додавање дополнителни надоместоци за чистење и дополнителни гости

    Применете умешна стратегија за одредување цени за да ги покриете трошоците.
    Од Airbnb на 5 дек. 2019 г.
    Четиво од 3 мин.
    Ажурирано на 29 јун. 2021 г.

    Исклучителни одлики

    • Вклучете дополнителни надоместоци за да ги покриете вашите трошоци

    • Дознајте повеќе во нашиот целосен водич за поставување успешен оглас

    Додадените дополнителни надоместоци ги покриваат трошоците за чистење и неочекуваните трошоци. Успешните стратегии за цени овозможуваат внимателна рамнотежа—да ги покриете трошоците за угостување и истовремено да останете конкурентни. Во оваа статија, ќе ви споделиме неколку информации кои треба да ги земете предвид кога одлучувате дали да додадете дополнителни надоместоци за вашето сместување.

    Надоместок за чистење

    Чистењето може да биде скапо и да одзема време, па со додадениот надоместок би се покриле трошоците за професионална служба за чистење домаќинства и материјали за чистење. Имајте на ум дека колку е повисок надоместокот за чистење*, толку се повисоки и очекувањата на гостите за чистота.

    Важно е да управувате со очекувањата за тоа што вклучува надоместокот за чистење, а што (ако има такво нешто) ќе треба да направат гостите. Дали ќе барате гостите да ги стават садовите во машината за садови или да ја извадат постелнината од креветите пред одјавување? Ако барате такво нешто, наплатете минимален надоместок за чистење или воопшто не наплаќајте. Ако веќе го наплаќате, , во огласотнаведете што покрива. Со повисок надоместок, гостите би очекувале да се одјават од вашето сместување како да се одјавуваат од хотел. Други најдобри практики што треба да ги имате предвид:

    • Целта е да се искористи надоместокот за чистење за да се покријат трошоците за чистење, а не да се заработат дополнителни пари.
    • Ако сте нови во угостувањето, почекајте со додавањето надоместок за чистење додека не добиете неколку одлични рецензии за да привлечете резервации.
    • Заради безбедноста на нашата заедница за време на COVID-19, бараме сите домаќини кои нудат сместување* да се обврзат на постапка во пет чекори од протоколот за потемелно чистење на Airbnb.

    Дознајте како да додадете надоместок за чистење

    Надоместоци за дополнителен гостин

    Со надоместокот за дополнителен гостин наплаќате повеќе кога резервацијата вклучува повеќе гости. Значи, ако имате стан со една спална соба со двоен кревет, вашата очекувана пополнетост може да биде две лица. Но, ако имате кауч на расклопување во дневната соба, може да дозволите до четворица гости, со дополнителен надоместок за секој од другите двајца.

    Не избираат сите домаќини да го додадат овој надоместок, но тоа може да биде начин да ги покријат трошоците поврзани со зголемената пополнетост, како што се зголеменото користење на комуналните услуги и средства како тоалетна хартија и сапун или дополнителното чистење. Работи кои треба да ги имате на ум при додавање надоместок за дополнителен гостин:

    • Одлучете колку лица би можеле удобно да се сместат во вашето сместување. Гостите би можеле да се разочараат доколку просторот ви е помал од очекуваното, ако подесувањата укажуваат на тоа дека може да примите дополнителни лица.
    • Започнете со ниски цени. Домаќините Дејв и Деб од Едмонтон, Канада велат дека одредуваат основна цена за двајца гости и наплаќаат по 10 долари за ноќевање за секој дополнителен гостин. „Цената ми е доволно ниска за да привлечам [две] лица, но ако сакаат да се сместат повеќе лица, можам да заработам повеќе пари од сместувањето.“

    Кога одлучувате за надоместокот за дополнителен гостин, би било добро да направите споредба со слични сместувања или да ги контактирате локалните клубови за угостување за да дознаете кои се нормите во вашиот регион.

    Дознајте како да додадете надоместок за дополнителен гостин

    Цената ми е доволно ниска за да привлечам [две] лица, но ако сакаат да се сместат повеќе лица, така можам да заработам повеќе пари од сместувањето.
    Dave,
    Едмонтон, Канада
    *Со исклучок на домаќините кои нудат сместувања во континентална Кина. Дознајте повеќе

    Информациите што ги содржи статијава може да се променети по објавувањето.

    Исклучителни одлики

    • Вклучете дополнителни надоместоци за да ги покриете вашите трошоци

    • Дознајте повеќе во нашиот целосен водич за поставување успешен оглас
    Airbnb
    5 дек. 2019 г.
    Дали ова беше корисно?

    Разгледајте повеќе теми