Како да ги пречекате првите гости на Airbnb

Создајте незаборавен престој за вашите гости – секојпат.
Од Airbnb на 20 ноем. 2019 г.
Четиво од 3 мин.
Ажурирано на 11 јун. 2024 г.

Можеби имате прашања за тоа како да се подготвите за вашите први гости. Еве неколку совети за да организирате непречено доживување.

Обезбедете едноставна постапка за пријавување

Поставете процес кој е едноставен и сигурен. Додајте насоки до вашето место, начин на пријавување и детални инструкции за пријавување во водичот за пристигнување на огласот. Многу гости ја претпочитаат практичноста на самопријавувањето, што им овозможува да влезат внатре без да бидете таму.

Гостите имаат пристап до инструкциите за пријавување во деталите за патувањето 48 часа пред закажаното пријавување или 24 часа претходно ако имате прилагодливи правила за откажување.

Предвидете ги потребите на гостите

Секој гостин е различен, но повеќето очекуваат да имаат пристап до одредени предмети и информации. Преземете ги овие чекори за да обезбедите удобен престој.

  • Снабдете се со основните удобности. Тука спаѓаат крпи, постелнина, перници, сапун и тоалетна хартија.

  • Бидете достапни. Имајте план за тоа како брзо ќе ги решите проблемите и потсетете ги гостите дека можат да ве контактираат ако се појави некаков проблем.

  • Додајте упатство за користење на куќата. Обезбедете важни информации, како на пример како да се поврзат на интернет и како да ги користат апаратите. Оставете печатена верзија каде што гостите лесно ќе ја најдат.

  • Додајте водич. Споделете ги вашите совети како локално лице, вклучувајќи места за вечера, пазарување, разгледување знаменитости и доживувања на отворено.

Комуницирајте рано и често

Секоја интеракција што ја имате со гостите е можност да ги поставите очекувањата и да покажете дека се грижите за нивните потреби.

  • Создајте пријатна средина. Дајте им приоритет на практиките од кои никој не се исклучува за да му помогнете на секој гостин да се чувствува пријатно во вашето сместување. Започнете така што едноставно ќе ги прашате гостите што би им помогнало да се чувствуваат како дома.

  • Имајте разбирање. Обидете се да ја погледнете секоја ситуација од гледна точка на гостинот.

  • Одговарајте веднаш. Ако имате добра стапка на одговор, огласот ќе се прикажува повисоко во пребарувањата на гостите на Airbnb. Користете ја апликацијата за да комуницирате брзо и да поставувате закажани пораки за да обезбедите корисни информации во важни моменти, како што е пријавувањето.

Еве неколку примероци на пораки што треба да ги разгледате за закажување во одредени периоди. Овие примери користат кратки кодови, резервирани места што автоматски ги пополнуваат деталите за резервацијата, сместувањето и гостинот. Вметнете ги од паѓачкото мени, бидејќи нема да функционираат ако ги напишете рачно.

Одржувајте го местото чисто и уредно

Гостите очекуваат да најдат чисто место кога ќе пристигнат. Создајте процедура која вклучува чистење на сите површини, подови и ткаенини.

  • Проверете дали има дамки, нечистотија и влакна. Најчесто занемарените места се под креветот, внатрешните фиоки и на завесите или ролетните.

  • Изберете неутрални мириси. Силните мириси од секаков вид може да им бидат непријатни на гостите. Отворете ги прозорците додека чистите и користете благи, повеќенаменски средства за дезинфекција. 

  • Отстранете ги или приберете ги личните предмети. Ова може да направи вашето место да дава попријатно чувство и да биде помалку натрупано.

Побарајте и оставете рецензии

Вие и вашите гости имате рок од 14 дена по одјавувањето за да оставите рецензија едни за други. Рецензиите се скриени додека и вие и гостинот не поднесете рецензија или додека не помине 14-дневниот период за оставање рецензија. Гостите, исто така, може да дадат оцени со ѕвезди за севкупното доживување и во шест поткатегории: чистота, точност, пријавување, комуникација, локација и однос цена/квалитет.

Првите неколку рецензии се особено важни. Севкупната оцена ќе се појави на вашиот оглас откако ќе добиете три рецензии и може да влијае на неговото рангирање во резултатите од пребарувањето. Размислете да закажете порака на денот на одјавувањето со која ќе побарате од гостите да остават рецензија за својот престој.

Бидете искрени и учтиви кога оставате рецензии и користете ги истите стандарди за проценка на секој гостин. Процесот на оставање рецензија помага да се изгради доверба помеѓу гостите и домаќините.

Серијал за учење: „Пречекување гости за првпат“

Добијте уште совети

Информациите што ги содржи статијава може да се променети по објавувањето.

Airbnb
20 ноем. 2019 г.
Дали ова беше корисно?