Нови алатки за угостување што ќе ви помогнат да го развиете вашиот бизнис

Ја обновивме апликацијата за да вклучи сѐ што ви е потребно за да управувате со вашето сместување. Сега е полесно да ги следите резервациите и да ги ажурирате достапноста и цените.

Ќе ги најдете сите алатки организирани во овие 5 јазичиња кога ќе се најавите како домаќин.

Кога ќе ја отворите апликацијата ќе го видите новото јазиче „Денес“. Може брзо да ги прегледувате деталите за резервацијата што ќе ви помогнат да си го испланирате денот и да обезбедите исклучително гостопримство.

• Префрлајте се помеѓу тековните и претстојните резервации за да дознаете кого угостувате и кога.
• Додајте белешки за резервациите, како што се потсетници за посебни прилики или барања.
• Добијте совети за тоа што да правите за секоја резервација, како на пример да ги прашате гостите како се одвиваат работите или да прочитате рецензија.

Редизајнираниот календар го олеснува прегледот и промената на достапноста и цените.

• Отворете повеќе датуми за гостите да ги резервираат и блокирајте ги ноќевањата кога не можете да угостувате.
• Прилагодете ги подесувањата за достапност и цени, како што се минималниот број ноќевања и попустите, директно во календарот.
• Прегледајте нови совети за цени за ноќевање, кои се персонализирани препораки засновани на фактори како што се локацијата и удобностите на вашето сместување, вашите претходни резервации и најновите цени во вашиот регион.

Јазичето „Огласи“ нуди повеќе начини за управување со деталите на огласот. Користете ги овие алатки за на гостите да им дадете најточна и најцелосна слика за вашето место.

• Ажурирајте го огласот, вклучувајќи додавање висококвалитетни фотографии за да привлечете внимание и детален водич за пристигнување.
• Додајте ги сите удобности што ги нудите, вклучувајќи ги и карактеристиките за пристапност за лица со попреченост, за да привлечете резервации.
• Погледнете го огласот за да видите како им се прикажува на гостите.

Јазичето „Пораки“ ви помага да се поврзете со гостите пред, за време на и по престојот.

• Користете го новиот уредувач за брзи одговори за да ги приспособите одговорите на најчесто поставуваните прашања и да закажете пораки што ќе се испраќаат во важни моменти.
• Споделете фотографии за да се претставите и да ги истакнете важните детали.
• Барањата за резервација се прикажуваат на повидливо место, вклучувајќи детали како што се датумите на патување и бројот на гости.

Менито ви дава пристап до вашата заработка, сознанија и други подесувања. Ќе добиете персонализирани совети и повеќе информации што ќе ви помогнат да го развиете вашиот бизнис за угостување.

• Прикажете ја заработката и создајте приспособени извештаи во контролната табла за заработка.
• Истражете ги оцените и рецензиите од гостите во делот „Сознанија“.
• Управувајте со подесувањата на вашата сметка и најдете информации за угостување.

Добијте ран пристап сега за да започнете да ги користите новите алатки за домаќини.

Информациите што ги содржи статијава може да се променети по објавувањето.