Како да угостувате на ваш начин

Примањето луѓе кои никогаш не сте ги сретнале во вашето сместување може да биде сосема ново искуство за вас. За да ви помогне да се чувствувате попријатно кога угостувате, Airbnb има подесувања и функции кои ви овозможуваат сами да одредите како и кога ќе угостувате.

Од тоа кои простори во вашето место им се достапни на гостите до бројот на гости кои можат да престојуваат во вашето сместување, може да ги прилагодите подесувањата за резервација врз основа на вашите потреби, достапност и желби.

Вашиот оглас им овозможува на гостите да ѕирнат во вашиот простор, а тоа им помага подобро да разберат како е организиран вашиот простор за живеење и која е цената на сместувањето пред да направат резервација. Кога го создавате огласот, земете го предвид следново:

• Колку сакате да наплаќате за ноќевање и за надоместоци: кога угостувате преку Airbnb, вие си ја одредувате цената за ноќевање што им ја наплаќате на гостите. Цените може да се изменат во кое било време пред да прифатите одредена резервација и може да варираат од ноќевање до ноќевање и од сезона до сезона. Исто така, може да изберете да вклучите дополнителни надоместоци за чистење, дополнителни гости и друго. Нашите совети за цени може да ви помогнат да поставите конкурентна цена.
• Колку гости може да се сместат во вашето сместување: во огласот наведете го максималниот број на гости што сте подготвени да ги примите во исто време. Гостите можат да го резервираат вашето место само ако вкупниот број на луѓе во нивната група е ист или помал од оној што сте го поставиле во критериумите за резервација.
• Кои удобности им се достапни на гостите: само затоа што имате скара или машина за перење и сушење алишта, тоа не значи дека треба да бидат достапни за гостите. Може да ги наведете удобностите во вашето место што гостите може да ги користат, оние што не може да ги користат и сите оние за кои постои некакво ограничување. На пример, Брајан, домаќин во Њупорт, Роуд Ајленд, пишува во својот опис за сместувањето: „Гостите може да ја користат мојата машина за перење и сушење алишта само ако побараат“.

Куќниот ред ви помага да јасно да го искажете својот стил на угостување и да им ги пренесете своите очекувања на гостите. Тој исто така им помага на гостите однапред да одлучат дали вашето сместување им одговара.

Вашиот куќен ред сега е истакнат на четири места: на страницата со огласот, кога гостите го резервираат вашето сместување, како и во е-поштата „Спакувајте се“ и во „Водичот за пристигнување“ што гостите го добиваат пред патувањето. Со основните правила, сѐ што ќе вклучите во стандардниот куќен ред може да се примени.

Може да го изберете стандардниот куќен ред од група фиксни опции кои се однесуваат на следниве теми:

• миленичиња
• настани
• пушење обични и електронски цигари
• време за одмор
• време на пријавување и одјавување
• максимален број на гости
• фотографирање и снимање за комерцијални цели

Како и секогаш, може да додадете и група пишани дополнителни правила кои ќе се применуваат заедно со стандардниот куќен ред. Во дополнителните правила треба да наведете сѐ што е забрането за гостите, како што е приватен балкон или личен плакар за складирање. Исто така, може да вклучите правила поврзани со локалните и регионалните обичаи (на пример, да нема бучава за време на попладневниот одмор) и барања кои не се вклучени во стандардниот куќен ред (на пример, не смеат да се носат обувки во куќата).

Ако сметате дека некој гостин ги прекршува вашите правила, без разлика дали се работи за тие што сте ги избрале или оние што сте ги напишале, контактирајте со тимот за поддршка на заедницата. Ќе ви помогнеме ако треба да ја откажете резервацијата.

Белешка: целиот куќен ред мора да биде во согласност со правилата и условите на Airbnb, вклучувајќи ги и нашите „Услови за користење“ и „Политиката против дискриминација“.

Искористете ги подесувањата за календарот и резервациите за да ја поставите вашата достапност и да ги идентификувате видовите на резервации што сакате да ги добивате. Кога ќе ги одредувате подесувањата за резервации, земете го предвид следново:

• Достапност: од вас зависи кога ќе биде достапно вашето место за гостите. Ако не сте дома, ако угостувате пријатели или роднини или не можете да угостувате во одредено време, може да го блокирате календарот за одредени датуми. Ако претпочитате да имате повеќе време за чистење или да паузирате помеѓу гостите, може да поставите и стандардно време за подготовка пред секоја резервација за да имате меѓупериод за резервација за секој престој.
• Како можат да резервираат гостите: Како домаќин, може да изберете како гостите го резервираат вашето сместување: дали со користење на опцијата „Инстант резервација“ или со испраќање на барање за резервација. „Инстант резервацијата“ им овозможува на луѓето кои ги исполнуваат сите ваши барања за гости и го прифаќаат вашиот куќен ред да направат инстант резервација на вашето сместување за кои било достапни датуми. Со барањата за резервација, го прегледувате и прифаќате секое барање поединечно.
• Колку долго сакате да престојуваат гостите: според локалните закони, може да изберете минимална и максимална должина на престој во вашето сместување. Некои домаќини ги прилагодуваат своите барања врз основа на сезонската побарувачка, барајќи резервација од минимум две ноќевања, па дури и една недела за периодите со најголема побарувачка.
• Претходно известување: не сте сигурни кога ќе бидете достапни за угостување во иднина? Не е проблем. Користете ги подесувањата за да одредите колку време однапред сакате да прифаќате резервации. Така гостите нема да можат да направат резервација за датуми за кои не сте подготвени да се обврзете. Исто така, може да поставите колку време однапред сакате да бидете известени пред да пристигнат гостите. На пример, може да ги искористите подесувањата за да избегнете резервации за истиот или следниот ден ако претпочитате да имате повеќе време пред да пристигне гостинот.
• Време на пристигнување и заминување на гостите: доцното одјавување и раното пристигнување можат да ги попречат другите резервации, особено ако имате резервации една по друга. Може да ги искористите подесувањата за да ги утврдите времето на пристигнување и заминување на гостите, а во огласот може да опишете зошто е важно гостите да се придржуваат до тоа време (на пример: „Лицето задолжено за чистење ќе пристигне во 11 ч.“).

Запомнете, подесувањата за резервациите може да се прилагодат во секое време. Исто така, може да биде корисно редовно да ги прегледувате подесувањата за резервации за да бидете сигурни дека одговараат на вашата моментална достапност и желбите кои ги имате како домаќин.

Домаќините ги ценат гостите кои се однесуваат кон нивното место како да е нивен дом. Во Airbnb, воведовме голем број правила и мерки за заштита за да ви помогнеме да ги привлечете најсоодветните гости за вашето сместување.

Покрај овие мерки за заштита, јасниот опис за сместувањето, деталниот куќен ред и ажурираните подесувања за резервации може да ви помогнат да се осигурите дека кон вашето сместување се однесуваат со почит. Така ќе имате поголема доверба и ќе може да создадете подобро искуство за гостите.