Мудроста во пракса: интервју со Чип Конли
Му посакуваме топло добредојде на Чип Конли, кој ќе сподели своите размислувања за односот помеѓу мудроста и работата и како заедницата на домаќини на Airbnb му помогна да ја обликува својата кариера. Долгогодишен претприемач во угостителството, стратешки советник на Airbnb, автор и поддржувач на домаќините, вложувањето на Чип во оваа заедница на домаќини има длабоки корени и претставува трајно наследство. Неговата нова книга Wisdom@Work: The Making of a Modern Elder, ветува дека ќе ја смени идејата за стареењето како можност за споделување знаење и повторно станување ученик.
Прашање: Вклучен си во угостителскиот бизнис и во заедницата на домаќини на Airbnb многу години. Како таа работа ја инспирираше мудроста што ја споделуваш во твојата нова книга?
Чип Конли: „Како прво, ми недостига нашата заедница на домаќини. Во текот на моите четири години на водечка позиција во фирмата, имав можност да патувам низ целиот свет и да учам од нашите домаќини. Постои една стара поговорка што вели „Знаењето зборува, но мудроста слуша“ и сметам дека нашата заедница на домаќини се вешти слушатели, но исто така и извонредни придонесувачи за заедницата во целина. „Мудроста на толпата“ (нашата глобална заедница на домаќини) прилично ме образуваше и се надевам домаќините дека ќе најдат дел од нивната гледна точка претставена во мојата нова книга, којашто раскажува зошто светот треба да ја цени мудроста денес кога сé повеќе доминира технологијата.“
Прашање: Што може да научат домаќините од твојот пристап кон мудроста во нивните сопствени угостителски приказни?
Конли: „Беше зачудувачки да се биде двојно постар од просечниот вработен во Airbnb во текот на моите пет и пол години во фирмата (последната година и пол како консултант). Дадов сè од себе да бидам поддржувач на нашата заедница на домаќини, а особено за оние кои се малку постари. Брајан и неговите коосновачи навистина го ценат фактот што домаќините од 50 години и постари добиваат највисоки оцени за задоволство на гостите на Airbnb од која било друга демографска група. Причините за ова може да се неколку: имаат повеќе време за да се фокусираат на нивните вештини за угостување, растењето на емоционалната интелигенција (клучна карактеристика на одличните домаќини) со стареењето и можеби подолгорочната посветеност на угостувањето како средство за создавање приход за пензионирање. Мислам дека ниту една возрасна група нема монопол врз мудроста, но тоа е особина на којашто може да се работи и да се подобрува со текот на времето.“
Прашање: Како се промени или не се промени концептот на гостопримство за тебе од твоите 20-ти, 30-ти, 40-ти години и подоцна?
Конли: „Кога ја основав Joie de Vivre Hospitality во средината на моите 20-ти години (1987 г.), фирмата беше една од првите за бутик хотели во САД. Докажувавме дека сè поголем број патници бараат персонализирано и локално хотелско доживување. Интересно е што го променивме називот на нашите агенти на рецепција од „службеници“ во „домаќини“, па идејата за угостување ми е во крвта веќе 32 години. Во текот на 24 години бев главен извршен директор на таа фирма, создадовме 52 бутик хотели и стана јасно дека големите глобални синџири сѐ повеќе сакаат да почнат да личат на бутик хотели (повеќе внимание на дизајнот, подобри ресторани и барови, повеќе фокус на локалните доживувања итн.). Кога се приклучив на Airbnb како раководител на Глобалната служба за угостителство и стратегија, на овој нов бран на споделување домови гледав како на засилување на иновацијата на бутик хотелите, бидејќи технологијата му овозможи на Airbnb овој локален фокус врз угостителството да го направи глобален. Кога Брајан Чески ми пријде да се приклучам на компанијата пред пет и пол години, тој ме праша: „Дали би сакал да го демократизираш гостопримството?“. И мислам дека Airbnb и нашата неверојатна заедница на домаќини го направи точно тоа.“
Прашање: Каков совет би му дал на нов домаќин кој е на самиот почеток?
Конли: „Заедничка особина на нашите најдобри домаќини од целиот свет е комбинацијата од голема организираност и големо гостопримство и емпатија. Тоа се различни особини и некои домаќини можеби се подобри во едната или во другата, но оние кои успешно владеат со двете (а понекогаш тоа е пар што ги комбинира тие особини) ќе бидат многу успешни.“
Прашање: Што е следно за тебе, Чип? Што сакаш да ти донесе наредниов период?
Конли: „И понатаму ќе бидам стратешки соработник на Брајан и повисокото раководство. Мојот процес на пишување на Wisdom@Work ми помогна да увидам дека многу луѓе од средна возраст и постари сакаат да ги преиспитаат своите животи и кариери, но дека имаме многу малку ресурси за да ги поддржиме луѓето од средната возраст во таквата намера. Затоа го создадов првото училиште за мудрост за средна возраст во светот, Modern Elder Academy, со цел да ги обезбедам местото и алатките за да се започне со менување на доживотното искуство на ученикот. Тоа е кампус на плажа еден час северно од Кабо Сан Лукас во Јужна Баха, Мексико, па повторно сум во угостителскиот бизнис. Ќе ни се придружат луѓе од целиот свет.“
За да прочитате повеќе за книгата на Чип и Modern Elder Academy, посетете ја неговата веб-страница.
Информациите содржани во оваа статија можеби се променети по објавувањето.