Основни правила за гостите

Белешка на уредникот: оваа статија е објавена како дел од Зимското издание на Airbnb за 2022 г. Информациите може да се променети по нивното објавување. Дознајте повеќе за најновото издание на нашиот производ.

Осум од 10 резервации на Airbnb во 2022 година завршиле со рецензија со пет ѕвезди за домаќинот. Вложивте многу труд во грижата за своите гости. Сакаме да се увериме дека и ние се грижиме за вас.

За да бидеме сигурни дека гостите ги почитуваат вашите домови, имаме некои основни правила – група на применливи стандарди до кои сите гости мора да се придржуваат. Тие се едноставни и јасни и им ги покажуваме на сите гости пред да резервираат.

Куќниот ред ви овозможува да им ги пренесете очекувањата на гостите од самиот почеток. Со основните правила, секое стандардно правило од куќниот ред што ќе го поставите може да се примени ако не можете да го решите проблемот директно со гостинот.

Можете да изберете од нашата листа на стандардни правила за куќниот ред во врска со следново:

• миленичиња
• настани
• пушење обични и електронски цигари
• време за одмор
• време на пријавување и одјавување
• максимален број на гости
• фотографирање и снимање за комерцијални цели

Ако имате посебни инструкции кои не се вклучени во стандардниот куќен ред, нив може да ги напишете во делот „Дополнителни правила“ во подесувањата за огласот.

Вашиот куќен ред е видливо прикажан на четири места: на страницата со огласот, на екранот за потврда на резервацијата, како и во е-поштата „Спакувајте се“ и во „Водичот за пристигнување“ што гостите ги добиваат пред патувањето.

Со основните правила се бара од гостите да се однесуваат кон вашиот дом како кон свој. Гостите не треба да го остават вашето место во состојба за којашто е потребно длабинско или прекумерно чистење, како што се теписи извалкани од миленичиња.

Ако гостите предизвикаат штета што е надвор од вообичаените оштетувања што се последица на редовната употреба, очекуваме да соработуваат со вас за да најдеме разумно решение. Исто така, очекуваме од нив да платат разумни барања за обесштетување ако се одговорни за штета, предмети што недостасуваат или неочекувани трошоци за чистење.

Во спротивно, покриени сте со „Заштитата на домаќинот од оштетување“, што е дел од AirCover за домаќини.

Ако некој гостин не ги следи основните правила, може да го пријавите така што ќе му дадете ниска оцена за чистотата или куќниот ред за време на процесот на оставање рецензии или ќе контактирате со „Поддршката на заедницата“.

На пример, да речеме дека стандардните правила од куќниот ред не дозволуваат пушење. Ако гостите пушат кај вас и вие го пријавите проблемот, ние ќе ги сметаме за одговорни.

Гостите кои постојано го кршат стандардниот куќен ред може да бидат суспендирани или отстранети од Airbnb ако проблемите продолжат. Ако гостинот ги прекрши вашите дополнителни правила, ќе ви помогнеме да ги преземете соодветните следни чекори.

Ако го известите гостинот дека го прекршил вашиот куќен ред, а тоа доведе до оставање одмаздничка рецензија од страна на гостинот, може да ја оспорите таа рецензија.

Информациите што ги содржи статијава може да се променети по објавувањето.

„Заштитата на домаќинот од оштетување“ не е осигурителна полиса и е предмет на овие правила, услови и ограничувања. Не ги заштитува домаќините коишто нудат сместувања во Јапонија, каде што важи „Осигурувањето за домаќини во Јапонија“, ниту пак домаќините коишто нудат сместувања преку Airbnb Travel LLC. За домаќините кои понудиле сместувања во Кина важи „Планот за заштита на домаќини во Кина“. За домаќините чија земја на живеење или основање е во рамките на Австралија, „Заштитата на домаќинот од оштетување“ е предмет на условите за „Заштита на домаќинот од оштетување“ за корисниците од Австралија. Имајте предвид дека сите ограничувања на покритието се прикажани во американски долари.

За сместувања во државата Вашингтон, договорните обврски на Airbnb според програмата „Заштита на домаќинот од оштетување“ се покриени со осигурителна полиса купена од Airbnb. „Заштитата на домаќинот од оштетување“ не е поврзана со „Осигурувањето од одговорност на домаќинот“. Според „Заштитата на домаќинот од оштетување“, ќе ви биде надоместено за одредени штети предизвикани на вашиот дом и предмети од гостите ако гостинот не плати за тие штети.