Како да одредите надоместок за чистење

Разбираме дека одредувањето на цената е еден од најтешките делови во угостувањето. Цената за ноќевање, како и сите дополнителни надоместоци, треба да ви овозможат да ги покриете трошоците за угостување и да им понудите максимален квалитет на гостите.

Главниот приоритет на гостите е да престојуваат во чисто сместување. Надоместокот за чистење може да ви помогне да платите за средства за чистење или за професионални услуги за чистење. 

Кога одредувате надоместок за чистење, имајте предвид дека тоа ја зголемува вкупната цена за престојот. За пократки престои, надоместокот сочинува поголем дел од вкупната цена отколку за подолги престои.

За да привлечете повеќе резервации, обидете се вкупната цена да ви остане конкурентна. Може да ги користите алатките за одредување цени во календарот за да ја видите вкупната цена за вашето сместување за различни датуми и видови патувања. Високите надоместоци за чистење може да ги обесхрабрат гостите да го резервираат вашето сместување.

Еве неколку опции што треба да ги земете предвид:

• Додајте еден стандарден надоместок за чистење за сите гости, без оглед на должината на нивниот престој.
• Додајте помал надоместок за чистење за кратки престои од само едно или две ноќевања и задржете го стандардниот надоместок за чистење за сите други резервации.
• Додајте ги сите или дел од трошоците за чистење во цената за ноќевање за да останете конкурентни.

Важно е гостите да знаат што можат да очекуваат, односно што точно вклучува надоместокот за чистење. Слушнавме од гостите дека не сакаат да извршуваат некои неразумни обврски, на пример отстранување постелнини од креветите, перење и чистење со правосмукалка.

Разумно е да побарате од гостите да направат некои едноставни работи при одјавувањето, како што е исклучување на светлата, фрлање на храната во ѓубре и заклучување на вратите и прозорците.

Ако размислувате да додадете надоместок за чистење, еве некои најдобри практики:

• Користете го надоместокот за да ги покриете вистинските трошоци за чистење, а не како начин да остварите дополнителна заработка.
• Поставете надоместок што е понизок од цената за ноќевање.
• Размислете дали има друг начин за враќање на трошоците за чистење, како што е одбивање на данокот.
• Обидете се да купувате материјали за чистење на големо, што обично чини помалку со текот на времето.
• Ако сте нови во угостувањето, не додавајте надоместок за чистење додека не добиете неколку одлични рецензии за да привлечете резервации.

„Заштитата на домаќинот од оштетување“, што е дел од AirCover за домаќини, може да ви ги надомести трошоците до 3 милиони американски долари во ретките случаи кога вашето место или предметите се оштетени од гостинот за време на престој преку Airbnb. Во одредени случаи, се плаќа и за дополнителни услуги за чистење, вклучувајќи отстранување дамки и мирис на чад. 

Може да побарате обесштетување преку нашиот „Центар за барање и праќање пари“.

AirCover за домаќини, „Заштитата на домаќинот од оштетување“, „Осигурувањето од одговорност на домаќинот“ и „Осигурувањето од одговорност за доживувања“ не ги покриваат домаќините што нудат престои или доживувања во Јапонија, каде што важат „Осигурувањето за домаќини од Јапонија“ и „Осигурувањето за заштита за време на доживувања во Јапонија“, ниту домаќините што нудат сместувања преку Airbnb Travel LLC. За домаќини кои понудиле сместувања или доживувања во континентална Кина, важи „Планот за заштита на домаќини во Кина“. Имајте предвид дека сите ограничувања на покритието се прикажани во американски долари.

За сместувања во државата Вашингтон, договорните обврски на Airbnb според програмата „Заштита на домаќинот од оштетување“ се покриени со осигурителна полиса купена од Airbnb. „Заштитата на домаќинот од оштетување“ не е поврзана со „Осигурувањето од одговорност на домаќинот“. Според „Заштитата на домаќинот од оштетување“, ќе ви биде надоместено за одредени штети предизвикани на вашиот дом и предмети од гостите ако гостинот не плати за тие штети. 

За домаќините чија земја на живеење или основање е надвор од Австралија, „Заштитата на домаќинот од оштетување“ е предмет на правила, услови и ограничувања. За домаќините чија земја на живеење или основање е во рамките на Австралија, „Заштитата на домаќинот од оштетување“ е предмет на овие правила, услови и ограничувања.

Информациите што ги содржи статијава може да се променети по објавувањето.