Што е тоа „Инстант резервација“?
Со функцијата „Инстант резервација“ гостите можат веднаш да го резервираат вашето сместување за слободните датуми. Не мора да го прегледувате и прифаќате секое барање за резервација поединечно, што ви заштедува време. На многу гости, исто така, им се допаѓа удобноста што ја овозможува функцијата „Инстант резервација“
Како функционира „Инстант резервацијата“
Можете да вклучите или исклучите „Инстант резервација“ во секое време. Ажурирајте ги подесувањата за резервирање во јазичето „Огласи“.
Кога користите „Инстант резервација“, сите гости кои резервираат мора да поминат низ процесот на проверка на идентитетот на Airbnb, да се согласат со куќниот ред и да ги исполнат барањата за гостите.
Може да поставите барања за да им понудите „Инстант резервација“ само на гостите кои имаат добра репутација. Тоа значи дека завршиле барем еден престој и не добиле негативни рецензии.
Ако барате официјален документ за идентификација за време на лично пријавување или ако тоа е задолжително барање онаму каде што се наоѓа вашиот имот, може да го побарате ова од гостите така што ќе им испратите порака преку јазичето „Пораки“.
Ќе треба да го ажурирате календарот кога користите „Инстант резервација“. Размислете за синхронизирање на календарот на Airbnb со сите други календари што ги користите. Ова ви помага да избегнете неочекувани резервации или откажување резервација поради грешка во распоредот, што може да резултира со надоместоци за откажување и други последици.
Може да откажете резервација без последици поради важечки причини, како на пример гостинот јасно да ви каже дека најверојатно ќе прекрши некое правило од куќниот ред. Имајте предвид дека никогаш не може да откажете поради причина што ја прекршува „Политиката против дискриминација“ на Airbnb.
Зошто може сѐ уште да добивате барања за резервации
Постојат неколку сценарија каде што може да добиете барања за резервација дури и кога користите „Инстант резервација“:
- Календарот не ви е ажуриран.
- Неодамна откажавте резервација.
- Гостите кои не ги исполнуваат вашите услови може да испратат барање за резервација.
Треба да одговорите со прифаќање или одбивање на резервацијата или испраќање порака до потенцијалните гости во рок од 24 часа.
Изберете го подесувањето за резервации што ви одговара
Вие контролирате кога и како гостите го резервираат вашето место. Иако „Инстант резервацијата“ нуди ефикасност и удобност, некои домаќини може да сметаат дека барањата за резервација повеќе им одговараат.
Изберете начин што ви помага да избегнете откажување на гостите од причини што може да се спречат.