Како да ги изберете подесувањата за резервации

Може да ги прифаќате резервациите на гостите на еден од следните два начини: автоматски со „Инстант резервација“ или рачно така што ќе одговарате на барањата за резервации. Многу гости и домаќини ја обожаваат практичноста на „Инстант резервацијата“ која им заштедува време.

„Инстант резервацијата“ им овозможува на гостите веднаш да ги резервираат сите достапни датуми на вашиот календар. Ќе добивате барања за резервација само за резервации со посебни околности за кои е потребно ваше одобрување, како што се престои подолги од 31 ноќевање.

Сите гости мора да се согласат со вашиот куќен ред и да ги исполнуваат барањата за резервација на Airbnb. Откако ќе го објавите својот оглас, може да додадете подесувања што бараат од гостите кои користат „Инстант резервација“:

• Да имаат завршено резервација без лоша рецензија или инцидент пријавен до поддршката на Airbnb.
• Да ги прочитаат и одговорат на прашањата во автоматската порака што ја добиваат пред резервацијата, а којашто вие ја создавате.

Кога гостинот ќе сака да го резервира вашето сместување, ќе добиете барање за резервација. Ќе имате 24 часа да го одобрите или одбиете барањето пред да истече. Може да поставувате известувања за да бидете сигурни дека ќе добивате барања што е можно поскоро.

Кога гостинот ќе испрати барање за резервација, датумите автоматски се блокираат на календарот за да се спречи поклопување со идните барања. Тие датуми остануваат блокирани ако го прифатите барањето или ако го оставите да истече, па важно е веднаш да одговорите на секое барање.

Вашите подесувања за резервација ќе се префрлат на „Инстант резервација“ откако ќе потврдите 5 резервации. Може да ги ажурирате подесувањата кога било.

Еве некои работи што треба да ги разгледате кога ги избирате подесувањата за резервации:

Инстант резервација

• На гостите им се допаѓа можноста веднаш да ги потврдат резервациите, што може да доведе до повеќе резервации.
• „Инстант резервацијата“ прифаќа резервации за вас врз основа на параметрите што сте ги поставиле.
• Ќе треба постојано да го ажурирате календарот и да го синхронизирате со сите други календари што ги користите.

Барања за резервација

• Гостите ги ценат брзите одговори, затоа најдобро е да ја користите оваа опција само ако можете да одговорите во рок од 24 часа.
• Треба да ги истакнете посебните правила или карактеристики на вашето сместување, на пример, стрмни скали кои водат до единствениот влез.
• Не може да одбивате барања поради причини што ја прекршуваат „Политиката против дискриминација“ на Airbnb.

Изберете ја опцијата што ќе ви помогне да избегнете да им откажувате на гостите од причини што може да се спречат, што може да доведе до надоместоци и други последици.

Информациите што ги содржи статијава може да се променети по објавувањето.