Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Што се случува кога гостите откажуваат или менуваат резервација?

    Еве што да очекувате во врска со вашата исплата кога ќе се променат плановите за патување.
    Од Airbnb на 19 јул. 2021 г.
    Четиво од 3 мин.
    Ажурирано на 24 авг. 2022 г.

    Исклучителни одлики

    • Ако гостинот ја откаже резервацијата, важат вашитеправила за откажување.

    • Ако одобрите промена во резервацијата на гостинот, ќе ви биде исплатено 24 часа по новото време на пријавување

    • Изберете кои правила за откажување ви одговараат.

    Животот е неизвесен, а гостите понекогаш мора да ги откажат или променат резервациите. Сѐ уште може да добиете плаќање, односно она што ние го нарекуваме исплата, дури и ако гостинот откаже, во зависност од вашите правила за откажување и колку време однапред гостите откажале.

    Еве што точно да очекувате ако гостите ја откажат или променат резервацијата или ако побараат делумно враќање на парите.

    Кога гостинот ќе ја откаже резервацијата

    Ако гостинот ја откаже резервацијата, важат вашите правила за откажување. Ако ви должиме исплата, парите вообичаено ќе ви бидат испратени 24 часа по закажаното време на пријавување на гостинот.

    На пример, ако имате „Умерено строги“ правила за откажување и ако гостинот откаже помалку од седум дена пред пристигнувањето, ќе ви исплатиме 100% од цената за ноќевање за сите ноќевања, без даноците и надоместоците. Износот ќе ви го испратиме 24 часа по закажаното време на пријавување на гостинот. Нема да добиете надоместок за чистење, милениче или дополнителен гостин ако гостинот не се пријави.

    Секогаш ќе може да најдете евиденција за сите исплати или прилагодувања во вашата историја на трансакции.

    Дознајте повеќе за тоа како да добивате исплати

    Кога гостинот ќе ја промени резервацијата

    Ако гостинот ја измени резервацијата, вообичаено ќе испратиме исплата 24 часа по новото време на пријавување. Ако угостувате лица за подолги престои, ќе добивате месечна исплата за тие резервации.

    На пример, ако одобрите барање за промена на гостин кој сака да дојде 10 дена во август наместо 10 дена во јуни и ако за промената има доволно време така што вашите правила за откажување не важат, ќе ви ја испратиме исплатата 24 часа по новото време на пријавување на гостинот.

    Ако гостинот ја промени резервацијата додека престојува во вашето место, вашите идни исплати може да бидат засегнати.

    На пример, ако гостинот се пријави во вашето место за 20-дневна резервација, ќе ви ја испратиме исплатата 24 часа по времето на пријавување. Но ако мора да откаже и да замине на 10-тиот ден, а вие имате „Прилагодливи“ правила за откажување, ќе имате право да добиете плаќање за секое поминато ноќевање, како и за едно дополнително ноќевање.

    Во овој случај, бидејќи веќе сте ја добиле целосната исплата, вашите идни исплати ќе бидат прилагодени за да ги покријат трошоците за делумното враќање на парите.

    Кога гостинот ќе побара враќање на парите

    Ако гостинот се пријави во вашето место и притоа очекува некаква удобност, но неа ја нема или е расипана, може да побара делумно враќање на парите. На пример, ако хидромасажната када е неочекувано расипана, а таа е главна карактеристика на вилата, гостинот може да ве контактира за да побара делумно враќање на парите.

    И кај овој пример, ако се согласите на делумно враќање на парите, вашите идни исплати ќе бидат прилагодени за да ги покријат трошоците за делумното враќање на парите, бидејќи веќе сте ја добиле целосната исплата. Исто така, може да им надоместите на гостите преку „Центарот за барање и праќање пари“. Ако го испратите плаќањето на тој начин, вашите идни исплати нема да бидат засегнати.

    Како да се заштитите од откажувања

    Секако дека не може да контролирате дали гостинот ќе ја откаже или промени резервацијата. Но може да се уверите дека ви одговараат вашите подесувања така што ќе прочитате повеќе за нашите правила за откажување на гостите и ќе ги одберете тие што ви одговараат.

    Исто така, одлична идеја е да вршите редовно одржување и да комуницирате со гостите во важните моменти за да бидете сигурни дека вашето место е подготвено да ги пречека гостите и дека може да помогнете ако нешто не е во ред.

    Информациите што ги содржи статијава може да се променети по објавувањето.

    Исклучителни одлики

    • Ако гостинот ја откаже резервацијата, важат вашитеправила за откажување.

    • Ако одобрите промена во резервацијата на гостинот, ќе ви биде исплатено 24 часа по новото време на пријавување

    • Изберете кои правила за откажување ви одговараат.

    Airbnb
    19 јул. 2021 г.
    Дали ова беше корисно?

    Можеби ќе ви се допадне и

    Можеби ќе ви се допадне и

    Разгледајте повеќе теми