Нови начини за управување со вашиот Airbnb Plus оглас

Програмата Airbnb Plus започна во 2018 година за да ги препознае домовите со исклучителен квалитет, удобност и стил. Кога сместувањето има значка Airbnb Plus, тоа значи дека имотот поминал низ лична инспекција.

Многу домаќини побараа поедноставен начин за да им ги пренесат високите стандарди на програмата на гостите. Врз основа на вашите повратни коментари, ги ажурираме страниците со огласи на Airbnb Plus во февруари 2023 г.

Промените вклучуваат:

• Airbnb Plus се објаснува во само една реченица, со истакнат текст веднаш под насловот на огласот: „Секое сместување од категоријата Plus се прегледува за квалитет.“ Гостите може да притиснат или да кликнат на некој линк за да дознаат повеќе, така што деталите за програмата ќе се прикажат во скок-прозорец.
• На гостите им е полесно да го забележат огласот додека го бараат совршеното сместување. Вашата значка за Airbnb Plus сѐ уште се појавува на почетокот на страницата на огласот, а гостите може да го изберат Airbnb Plus додека ги филтрираат резултатите од пребарувањето. Овој нов изглед на страницата, исто така, подобро се вклопува со остатокот од Airbnb, кој беше редизајниран минатата година.
• Можете лесно да уредувате повеќе елементи на страницата на огласот. Може да напишете подолг опис за сместувањето, да додадете карактеристики и удобности од подобрената листа на опции и да ги ажурирате фотографиите без да контактирате со Airbnb.

Програмата Airbnb Plus е достапна исклучиво за домаќини кои веќе ја заслужиле значката. Не покануваме други лица да се приклучат во моментов.

Ви препорачуваме да го прегледате вашиот оглас на Airbnb Plus откако промените ќе стапат на сила. Ако се погрижите вашите информации да бидат актуелни и целосни, тоа може да ви помогне вашиот оглас да се појавува во резултатите од пребарувањето и во релевантните категории на Airbnb.

Повторно разгледајте ги карактеристиките и удобностите
Ја подобривме стандардната листа на барања за карактеристики и удобности. Добро би било да ја прегледате ажурираната листа за да се уверите дека сте избрале сѐ што вашето сместување им нуди на гостите.

Ќе најдете нови опции, како кујничка и апарат за еспресо. Некои постари елементи се отстранети. Ако некоја карактеристика или удобност што сакате да ја истакнете веќе не е на листата, може да ја наведете во описот за сместувањето.

Напишете привлечен опис за сместувањето
Сега имате неограничен простор – над 600 знака – за да го споделите она што е посебно за вашето место. Можеби ќе сакате да додадете неколку поконкретни детали.

На пример, наведете некои извонредни дополнителни удобности што ги нудите како домаќин на Airbnb Plus, како што се луксузна постелнина, земање од аеродром по барање на гостинот или добро снабден фрижидер.

Направете нови професионални фотографии
Дали неодамна направивте промени во вашето место, одвнатре или однадвор? Размислете за тоа да ги ажурирате фотографиите за да им покажете на гостите што точно да очекуваат кога ќе престојуваат таму.

Може да побарате професионално фотографирање од Airbnb. Ако услугата е достапна во вашиот регион, ќе добиете е-пошта со понуда за цена, која можете да ја прифатите или одбиете.

Кога имате нови слики, вие одлучувате кои ќе ги додадете и можете да ги отстраните сите што се застарени.