Дали мојот простор одговара за Airbnb?

Може не би помислиле дека една слободна спална соба или некоја удобна едрилица би можеле да бидат популарни на Airbnb, но на гостите можат да им се допаднат различни видови сместувања, од најмали до најуникатни.

Без разлика какво сместување имате, најважно е да создадете удобен простор за спиење во кој со задоволство би престојувале и самите, како и детален опис за сместувањето кој покажува што го прави вашето место привлечно.

Во најмала рака, гостите очекуваат чист, удобен простор за спиење и пристап до тоалет. Не во сите сместувања кои се огласени на Airbnb има пристап до кујна, но ако гостите го имаат тоа кај вас, наведете дали станува збор за целосна кујна или кујничка.

Секој кој има некаков слободен простор може да напредува како домаќин на Airbnb. Нема „идеално“ сместување. Само треба да бидете искрени и да го опишете просторот детално и со доволно фотографии кои ќе им помогнат на гостите да разберат што точно да очекуваат. Од слободни соби, па сѐ до луксузни имоти, на Airbnb има совршено сместување за секого.

Речиси секој вид на имот може да ги привлече гостите на Airbnb. Дали е куќа? Стан? Соба во вашиот кондоминиум? Некои места дури се означени како уникатни, како што се куќи на дрво, шатори, минијатурни куќи, фарми, кампер возила и приколки.

Може да им кажете на гостите дека ќе имаат ексклузивен пристап до целиот имот, до приватен апартман или дека ќе делат простор, на пример, просторот за спиење, кујната или тоалетот, со лица како што се вашето семејство, цимерите или други гости. Од вас зависи дали ќе оставите нешто ваше во просторот или ќе го намените целосно за гости. Најважно е да го одржувате местото чисто и да комуницирате со гостите за да знаат што точно да очекуваат.

Даниел, домаќин во Сан Франциско, вели дека секогаш е транспарентен кога станува збор за неговото сместување. „Она што ќе им кажете на гостите дека ќе го добијат и она што навистина ќе го добијат кога ќе пристигнат во вашето сместување треба да биде исто“, вели тој. „Подобро е поскромно да го опишете своето сместување и гостите да пристигнат на поубаво место отколку што очекувале отколку обратно.“

Ако гостите може да наидат на миленичиња во заеднички простор, добро би било да го спомнете ова во описот за сместувањето. Но уште поважно е да поставите фотографии од вашето меко куче или елегантна мачка на Airbnb со опис кој ќе ги извести гостите дека најверојатно ќе сретнат некое животно.

Сликите вредат илјада зборови, особено бидејќи некои гости може да направат резервација без да прочитаат сѐ детално. Ако вашето сместување има уникатни карактеристики, добро би било за време на процесот на резервирање да се осигурате дека гостите целосно го прочитале огласот.

Можеби вашето сместување не е палата, но тоа не е проблем! Многу гости го ценат скромното сместување ако мислат дека вреди за парите. Кога почнувате, може да размислите за воведна цена што е малку пониска од онаа што ја имате на ум како крајна цел. Тоа ќе ви помогне да привлечете гости, а откако ќе добиете неколку одлични рецензии, може повторно да ја разгледате и да ја зголемите цената за да ги постигнете своите цели.

Дознајте повеќе во нашиот водич за поставување успешен оглас

Информациите што ги содржи статијава може да се променети по објавувањето.