Постојат многу причини зошто луѓето почнуваат да угостуваат на Airbnb, од плаќање сметки до запознавање нови луѓе. Но, сè поголем е бројот на домаќини коишто успеале да го купат својот дом преку негово споделување. Тим, независен филмаџија од Сиетл, го претвори подрумот во популарно сместување на Airbnb во Сиетл. Пред Тим да го огласи своето место на Airbnb, се мачеше да врзе крај со крај во скапиот град. „Бидејќи работам во креативната индустрија, моите приходи може драстично да се разликуваат од година во година.“ – вели Тим. „Затоа јас и мојата девојка се трудиме да живееме скромно.“ Тим одлучил дека инвестирањето во сопствен дом ќе му помогне да создаде поодржлив буџет за во иднина. Но, кога започнал да пребарува домови, веднаш се соочил со обесхрабрувачката реалност: најголемиот дел од имотите биле прескапи за него или пак биле потребни илјадници долари за поправки. Не гледал начин како понатаму.

По подолго пребарување, Тим конечно најде дом токму со онаков потенцијал каков што бараше. Што го направи домот на Тим идеален? Незавршениот подрум којшто имаше предвидено да го претвори во сместување на Airbnb. „Некои од нашите пријатели го користат Airbnb и сакавме да имаме можност да споделиме простор во новиот дом за да покриеме дел од трошоците.“ – вели Тим. „Така што, кога го видов подрумот, знаев дека е совршен за да се претвори во сместување на Airbnb.“ Со неколку проекти од типот „Направи сам“, тој го претвори подрумот во својот нов дом во едно од најпопуларните сместувања на Airbnb во неговата заедница. Како нов сопственик на куќа, Тим објаснува: „Моето сместување на Airbnb придонесува за околу една третина од мојата хипотека.“ и уште вели: „Немаше да можеме да поседуваме куќа ако не беше Airbnb.“