Ажурирајте ги подесувањата за достапност

Подесувањата за достапност на Airbnb ви овозможуваат лесно да контролирате кога и како гостите можат да го резервираат вашето место. Ќе ги најдете во вашиот календар.

Подесувањата за достапност и алатките за одредување цени често функционираат заедно. Ако сакате да користите одредени алатки, како на пример нудење месечни попусти, можеби ќе треба да ја промените достапноста, на пример, да дозволите подолги престои.

Ако ја промените должината на патувањето, може да го отворите календарот и вашиот оглас да се појави во повеќе резултати од пребарувањето. Погрижете се минималната и максималната должина на патувањето да бидат во согласност со локалните правила и прописи.

• Минимален број ноќевања: намалувањето на минималниот број на ноќевања им се допаѓа на гостите кои резервираат кратки престои и ви помага да ги пополните празнините во календарот. Имате опција да го прилагодите минималниот број на ноќевања според деновите од неделата.
• Максимален број ноќевања: зголемувањето на максималниот број на ноќевања ви помага да привлечете гости кои резервираат подолги престои, што го намалува бројот на промена на гостите. Исто така, може да дозволите барања за престои кои се подолги од вашиот максимален број на ноќевања. Ќе можете да ги прегледате и одобрите овие барања.
• Приспособена должина на патувањето: додавањето приспособена должина на патувањето што е пократка од минималната должина на патувањето за одредени датуми може да ви помогне да ги пополните празнините во календарот.

Колку време однапред сакате да бидете известени помеѓу резервацијата на гостинот и неговото пристигнување? Колку време однапред сакате да им дозволите на гостите да резервираат? Поставете ја достапноста за да добиете резервации што ви одговараат. Ноќевањата автоматски ќе бидат достапни врз основа на подесувањата што ќе ги изберете. Не мора рачно да го прилагодувате календарот.

• Претходно известување: изберете го истиот ден, најмалку 1 ден, најмалку 2 дена, најмалку 3 дена или најмалку 7 дена. Имате опција да ги дозволите и барањата за истиот ден, но ќе можете да ги прегледате и одобрите овие барања.
• Претходно известување за истиот ден: ако им дозволите на гостите да резервираат на истиот ден, го поставувате крајното време по кое веќе не можат да резервираат. Изберете кој било час помеѓу 6:00 ч. и 00:00 ч.
• Време на подготовка: изберете колку ноќевања треба да блокирате пред и по секоја резервација. Опциите се ниедно, 1 ноќевање пред и по секоја резервација и 2 ноќевања пред и по секоја резервација.
• Период на достапност: проширувањето на достапноста им овозможува на гостите да резервираат во подалечна иднина и помага вашиот оглас да се појави во повеќе резултати од пребарувањето. Изберете помеѓу 3 месеца, 6 месеца, 9 месеца, 12 месеца и 24 месеца од денешниот датум.
• Повеќе подесувања за достапност: имате опција да ги спречите гостите да се пријават или да се одјават во одредени денови од неделата. Ова го блокира календарот за пристигнувања и заминувања ако знаете дека секогаш сте недостапни во тие денови. Може да изберете повеќе денови од неделата, но не секој ден, бидејќи тоа ќе ги спречи гостите да го резервираат вашето место.

Синхронизирањето на сите ваши календари за угостување помага да се спречи повеќе гости да резервираат на исти датуми. Оваа двонасочна врска автоматски ги ажурира двата календари кога некое ноќевање ќе биде резервирано. За да ги поврзете календарите:

• Додајте го наведениот линк за календарот на Airbnb на другата веб-страница.
• Преземете го линкот што завршува на .ics од другата веб-страница и додајте го на календарот на Airbnb.

Вие постојано ги контролирате цените и другите подесувања. Вашите резултати може да бидат различни.

Информациите што ги содржи статијава може да се променети по објавувањето.