Одете напред за да пристапите до предложените резултати

    Внимателно одбрани детали кои гостите ги обожаваат

    Воодушевете ги гостите со квалитетни и интересни удобности.
    Од Airbnb на 11 дек. 2019 г.
    Четиво од 4 мин.
    Ажурирано на 13 мај 2021 г.

    Исклучителни одлики

    • Најдете начини да ги издигнете удобностите на повисоко ниво

    • Деталите кои внимателно ги избирате за да ги пречекате гостите, како што се кошница за добредојде или рачно напишана порака, им значат многу

    • Понудете локални производи за да им овозможите уникатно искуство на гостите

    • Практичните удобности како крем за сончање, средство против инсекти и чадори, можат да бидат од голема корист

    • Дознајте повеќе во нашиот целосен водич за создавање простор во кој гостите ќе се чувствуваат удобно

    Сакате да создадете незаборавно доживување за гостите? Не мора да значи дека треба да имате луксузен простор или модерни удобности. Наместо тоа, размислете за мали гестови кои може да остават силен впечаток. На пример, понудете им го вашето омилено локално кафе или оставете им рачно напишана порака за добредојде. Овде домаќините споделуваат едноставни идеи за тоа како да им овозможите незаборавен престој на гостите без да си го надминете буџетот.

    Најслаткиот начин да пречекате некого

    Гостите често пристигнуваат уморни и малку дезориентирани. Потрудете се да се чувствуваат добредојдени од моментот кога ќе влезат во сместувањето.

    • Спремете кошница за добредојде. „Имам кошница за добредојде со инстант овесна каша, енергетски чоколатца, јатки, колачиња и пуканки за во микробранова печка за да ги засити во случај да имале долг лет и да не можат веднаш да пазаруваат.“ – Кери, градот Њујорк
    • Напишете персонализирана порака. „Една од работите што им се допаѓа на гостите е картичка со персонализирана порака. „Користам картичка направена од млади дизајнери чија тема е мојот град, Сао Паоло.“ – Присила и Габриел, Сао Паоло
    • Обезбедете место за нивниот куфер. „Имам подвижен држач за багаж во подножјето на секој кревет. Ми се допаѓа што лесно можам да ја тргнам ако некој сака повеќе простор или, пак, кога чистам.“ – Алисон, Траверс Сити, Мичиген

    Добро опремете ги спалната и бањата

    Откако ќе се снабдите со основните удобности, искористете ги како отскочна даска кон извонредно гостопримство.

    • Имајте резерва при рака. „Гледам да има доволно крпи, дополнителна постелнина, сапуни и шампони.“ – Сузан, Ковингтон, Џорџија
    • Обезбедете средства за лична хигиена што е добро да се имаат. „Им давам на гостите професионални марамчиња за отстранување шминка.“ – Беверли и Сузи, Оукленд, Калифорнија (Бонус: на тој начин ќе ги избегнете тврдокорните дамки на чаршафите и крпите!)
    • Доведете ја бањата на повисоко ниво. „Го превиткувам почетокот од ролната тоалетна хартија. Знам дека е ситница, но дава чувство на чистота и покажува дека се грижите.“ – Ема-Кејт, Сан Франциско
    • Додајте малку луксуз. „Им оставам на гостите удобни бели фротирни бањарки. Ги употребуваат кога го користат спа центарот или кога сакаат само да се опуштат.“ – Линда, Ла Квинта, Калифорнија
    Имам кошница за добредојде со инстант овесна каша, енергетски чоколатца, јатки, колачиња и пуканки за во микробранова печка.
    Carrie,
    Градот Њујорк

    Локалното е најдобро

    Откривањето на карактеристичните вкусови, мириси, глетки и суштината на местото каде што одите е дел од возбудата околу патувањето. Споделете нешто од она што ви е омилено со гостите.

    • Погрижете се појадокот да биде незаборавен. „За појадок, во зависност од сезоната, на гостите им давам мал подарок од регионот. Тоа може да биде специјалниот и редок боров мед од планинските земјоделци, локално приготвено сирење или свеж сок и овошје од земјоделците од околните села.“ – Клаудија, Шварцвалд, Германија
    • Размислувајте холистички. „Јас сум во Портланд, па сакам гостите да го почувствуваат духот на Портланд во сите аспекти од нивното искуство при престојот. Тоа е всушност смислата на Airbnb! Обезбедувам локални домашни пива, цвеќиња од мојата градина, многу книги за градот, локални органски енергетски плочки, а секој ден пристигнува и весникот „Oregonian“. Купувам и локални списанија. Доброто кафе од Портланд е клучно, како и млекото со висок процент на масленост.“ – Лиза, Портланд, Орегон
    • Пружете им на гостите искуство по мерка. „Ако моите гости слават роденден за викендот, ќе им оставам локално направени колачиња.“ – Тифани, Холивуд Бич, Калифорнија
    • Подарете им мал сувенир. „Оставам разгледница од некое локално интересно место или обележје што гостинот може да ја задржи или испрати дома.“ –  Деби, Таузанд Оукс, Калифорнија

    Понекогаш практичното е најдобро

    Практичните удобности можат да направат патувањето да биде одлично, наместо неочекувано фрустрирачко. Направете им го денот на гостите со крем за заштита од сонце, комплет за прва помош, адаптер за компјутерот и друго.

    • Олеснете им го излегувањето. „Комплет за плажа: столови, чадор, саронг, рекет и топче, пренослив фрижидер, карти, детски играчки и фудбалска топка. Комплет против комарци: средство против комарци и свеќи од цитронела.“ – Даниела, Рио де Жанеиро
    • Имајте ја предвид локалната клима. „Купивме 10 кабаници за еднократна употреба за итни случаи, направени од многу танок и лесен најлон. Се случува времето да биде прекрасно кога гостите ќе пристигнат, а пред да заминат да паѓа силен дожд.“ – Тил и Јута, Штутгарт, Германија
    • Оставете фен за коса и пегла за алишта. „Фенот за коса и пеглата за алишта не се скапи, а ако ги имате на вашиот имот, тоа покажува дека сте мислеле на ситниците кои може да им бидат од голема корист на гостите.“ – Ричард, Ленокс, Масачусетс.
    • Додајте некои удобности погодни за семејства. „Многу едноставна работа, а толку популарна е старата количка со перничиња за гостите да можат да ги возат малите деца наоколу.“ – Шантал, Динан, Франција

    Сѐ уште не сте сигурни од каде да започнете? Престојувајте една ноќ во вашето сместување за да го доживеете како гостин. И обрнете посебно внимание на повратните коментари на гостите. Тие имаат различна перспектива од вашата, па ќе ви дадат идеи на кои можеби не сте се сетиле сами. Со текот на времето, ќе најдете најдобар начин да го издигнете вашето сместување на повисоко ниво. Подгответе се за одлични рецензии!

    Исклучителни одлики

    • Најдете начини да ги издигнете удобностите на повисоко ниво

    • Деталите кои внимателно ги избирате за да ги пречекате гостите, како што се кошница за добредојде или рачно напишана порака, им значат многу

    • Понудете локални производи за да им овозможите уникатно искуство на гостите

    • Практичните удобности како крем за сончање, средство против инсекти и чадори, можат да бидат од голема корист

    • Дознајте повеќе во нашиот целосен водич за создавање простор во кој гостите ќе се чувствуваат удобно
    Airbnb
    11 дек. 2019 г.
    Дали ова беше корисно?

    Можеби ќе ви се допадне и

    Можеби ќе ви се допадне и

    Разгледајте повеќе теми