Основни информации за комуникација со гостите

Ефикасната комуникација со гостите е првиот чекор кон позитивно искуство на гостите. Како домаќин, им помагате на гостите да се чувствуваат пријатно и може да ги поттикнете да остават добри рецензии преку јасна и навремена комуникација од моментот кога ќе изразат интерес за вашето сместување, па сѐ до по одјавувањето.

Бидете транспарентни. Даниел, домаќин во Сан Франциско, вели дека секогаш е директен кога станува збор за неговото сместување. „Она што ќе им кажете на гостите дека ќе го добијат и она што навистина ќе го добијат кога ќе пристигнат во вашето сместување треба да биде исто“, вели тој. „Подобро е поскромно да го опишете своето сместување и гостите да пристигнат на поубаво место отколку што очекувале отколку обратно.“

Бидете љубопитни. Може да не исклучувате никого со едноставно прашање до гостите: „Што ви е потребно за да се чувствувате пријатно и добредојдено во моето место?“ Многу е важно да покажете емпатија, а не да правите претпоставки.

Бидете достапни. Анет, Супердомаќин во Сан Франциско, обично им кажува на гостите: „Не обидувајте се сами да вршите поправки, без разлика на тоа колку се мали. Веднаш контактирајте нѐ, а ние ќе се погрижиме за нив.“ За рутински проблеми, искусните домаќини користат брзи одговори за да останат во контакт со гостите.

Бидете грижливи. Малите љубезни гестови може да го направат престојот подобро искуство за вас и за вашите гости. Ако се појави проблем, гостите често велат дека најважно им е како реагираат нивните домаќини.

Прашање за резервација: гостите го ценат брзиот одговор кога ќе ве исконтактираат за да го резервираат вашето место. Обидете се да одговорите на сите прашања на гостите во рок од 24 часа.

Брзината на одговор не е важна само за гостите да бидат среќни – таа е еден од критериумите за да станете Супердомаќин. Ако ја користите опцијата за закажани пораки, тоа може да ви помогне да планирате однапред за во вистински момент да ги споделите информациите со гостите.

Кога ќе резервираат: гостите обично ценат кога домаќините им испраќаат порака за да им се заблагодарат за резервацијата.

Може да ја персонализирате пораката за добредојде со информации од профилот на гостинот. Ова може да вклучува прашања за неговите интереси, родниот град и хобијата. Ова е и можност да поставите дополнителни прашања, како на пример која е целта на посетата и со кој доаѓа гостинот кај вас.

Пред пристигнувањето: јасните насоки и деталите за пријавување се од клучно значење за да им помогнете на гостите да пристигнат без нервози.

Одговорете на често поставуваните прашања пополнувајќи ги сите полиња во делот „Информации за гостите“ во јазичето „Огласи“, вклучувајќи и насоки до местото, инструкции за пријавување и информации за wifi. Ова ќе биде споделено во јазичето „Патувања“ на вашите гости 48 часа пред закажаното време за пријавување.

Пријавување: гостите, особено оние од традиционално маргинализираните заедници, споделија дека самопријавувањето може да направи да се чувствуваат попријатно. Може да создадете и упатство за користење на куќата кое вклучува информации за тоа како да ги користите различните системи и апарати во вашето сместување.

По првото ноќевање: многу домаќини велат дека сакаат да останат во контакт со гостите за време на нивното патување. Корисно е да бидете проактивни и да прашате дали е сѐ во ред.

Пред одјавувањето: наведете што треба да направат вашите гости пред одјавувањето. Испраќаме потсетник со времето на одјавување и инструкциите еден ден пред закажаниот датум на заминување.

По заминувањето: најдобро е веднаш да оставите рецензија за гостите. Бидете учтиви во вашиот пристап и користете ги истите стандарди за проценка на секој гостин. Некои домаќини, исто така, сакаат да испратат порака за да им се заблагодарат на гостите за нивниот престој.