Како функционираат стапките на брзина на одговор и стапките на брзина на прифаќање

За многумина од вас, угостувањето е важно, но исто така имате работа, семејство и личен живот поради кои сте многу зафатени. Па така, следењето колку брзо одговарате на прашањата на гостите и следењето на процентот на барањата за резервации што ги прифаќате наспроти тие што ги одбивате најверојатно не е ваш приоритет. Дел од вас прашаа за карактеристиките на овие мерења, зошто се важни и како може да ги подобрите без многу напор и среќни сме што прашавте! Собравме одговори од луѓето кои ги прават овие алатки, па ајде да се задлабочиме и да видиме што имаат да ни кажат.

Која е разликата помеѓу брзината на одговор и стапката на прифаќање?

• Брзината на одговор мери колку доследно одговарате на прашањата на гостите и барањата за резервации во рок од 24 часа. Брзината на одговор од изминатите 365 дена може да ја најдете со кликнување на јазичето „Изведба“, а потоа на „Основни барања“.
• Стапката на прифаќање мери колку често прифаќате или одбивате резервации. Прашањата на гостите не се вклучени во пресметката на вашата стапка на прифаќање. Стапката на прифаќање од изминатите 365 дена може да ја видите со кликнување на јазичето „Изведба“, а потоа на „Основни барања“.

За брзината на одговор, дали важи само првата порака/прашање или важат и наредните пораки во разговорот?
Го мериме одговорот само во рок од 24 часа од првата порака или прашање на гостинот. Наредните пораки во разговорот немаат влијание врз вашата брзина на одговор.

Што ќе се случи со мојата стапка на прифаќање ако одговорам на прашање наместо да одобрам, одобрам однапред или одбијам барање за резервација?
Краткиот одговор е следниов: ако гостинот ви испрати барање за резервација и одговорите само на прашање, но не одобрите или одбиете пред да истече барањето, тоа се смета за одбивање.

Ајде да се задлабочиме малку повеќе. Важно е да се забележи разликата помеѓу прашање и барање за резервација. Прашањето е само порака, можеби со барање да појасните нешто во врска со удобностите, датумите или куќниот ред. Гостинот можеби е заинтересиран да престојува кај вас и дури може да праша нешто како: „Сакам да го резервирам вашиот дом. Во ред ли е ако го донесам моето куче?“. Ова не е барање за резервација. Ова е прашање. На прашање може да дадете одговор, да испратите однапред одобрено барање или да го одбиете. Одбивањето на прашањето му сигнализира на гостинот вашето место не одговара на неговите потреби и го поттикнувате да испрати барање за друго сместување. Но, ниту едно од овие дејства нема директно влијание врз вашата стапка на прифаќање. Ако испратите однапред одобрено барање на прашањето, а гостинот го резервира вашето место, тоа се смета за прифаќање. Ако испратите однапред одобрено барање, а гостинот не резервира, тоа нема да има влијание врз вашата стапка на прифаќање. А ако одбиете прашање, тоа нема да има влијание врз вашата стапка на прифаќање.

Барањето за резервација значи дека гостинот официјално бара да го резервира вашето сместување и чека да го прифатите или одбиете барањето. Што се однесува до вашата стапка на прифаќање, го мериме само конечниот исход од барањето за резервација, а има само три можни дејства што може да ги преземете: да прифатите, да одбиете или да оставите барањето да истече. Ако дозволите барањето да истече, дури и ако одговорите на прашањата, но не преземете дејство за одобрување или одбивање на барањето во рок од 24 часа, тоа се смета за одбивање.

Какво е влијанието на овие стапки врз мене како домаќин?
Тоа е одлично прашање. Техничкиот одговор е дека ниската брзина на одговор може да влијае на вашата подобност за програмата за Супердомаќини, а стапката на прифаќање може да влијае врз подобноста за станување домаќин во програмата Plus. Домаќините кои имаат многу ниски стапки може да се соочат со казни, вклучувајќи и паузирање на нивните огласи. Но, важно е да се напомене дека еднократните случаи на неодговарање или одбивање на барање за резервација ретко водат до преземање на какви било дејства. Многу повеќе сме загрижени за случаите каде што се забележува постојана шема на неодговарање или одбивање.

Дали може да споделите совети или предлози од искуство за тоа како да ги задржам моите брзина на одговор и стапка на прифаќање на високо ниво?
Сметаме дека домаќините се всушност експертите во оваа област, па ќе споделиме и некои од вашите идеи тука, но за брзината на одговор, еден од најдобрите начини како да управувате со пораките во движење е да ја користите Airbnb апликацијата на вашиот мобилен телефон. Исто така, може привремено да го ставите огласот во мирување ако знаете дека нема да може да одговарате на пораките некое време. Ако одите на одмор, присуствувате на долга работна конференција или едноставно треба да се исклучите на некое време, може да бидете спокојни знаејќи дека часовникот за одговор не отчукува и дека пораките не се трупаат во вашата пошта.

За да го ставите огласот во мирување и да го сокриете од резултатите од пребарувањето на одреден временски период:

1. Одете на „Ваши огласи“ и изберете оглас
2. Кликнете на „Детали за огласот“
3. Веднаш до „Статус на огласот“, кликнете „Уреди“
4. Под „Статус на огласот“, изберете „Стави во мирување“ од паѓачкото мени
5. Внесете го почетниот и крајниот датум, а потоа кликнете на „Зачувај“

Вашиот оглас автоматски ќе се активира повторно кога ќе заврши временскиот период што го имате поставено. Денот пред повторно да се активира вашиот оглас, ќе добиете е-пошта за потсетување.

Еве неколку совети, споделени од домаќините во „Центарот на заедницата“, за тоа како да ја задржите брзината на одговор на високо ниво:

• Одвојте време во денот за одговарање на барања и прашања
• Наместо вас, нека одговори кодомаќин или пријател ако не сте достапни или ако не сакате да го ставите огласот во мирување
• Заштедете време така што однапред ќе ги напишете одговорите на често поставуваните прашања. Побарајте ја пораката „Искористи зачувана порака“ во секој активен разговор што го имате со некој гостин. Може да создавате, користите и повторно да ги користите одговорите што се таму.
• Ако сте многу зафатени или ако вашиот бизнис со угостување е во подем, размислете за изнајмување виртуелен помошник

За вашата стапка на прифаќање, уверете се дека подесувањата за календарот и за резервирање се точни и ажурирани. На пример, ако не може да прифаќате барањата за истиот ден, ажурирајте го огласот за да го одразува времето што ви е потребно помеѓу резервациите. Домаќините исто така велат дека ажурирањето на куќниот ред им помага на гостите да знаат што е дозволено, а што не пред да поднесат барање за резервација. Помали се шансите да добивате барања што не може да ги прифатите ако сте многу јасни во врска со вашите очекувања.

Што прави Airbnb за да избегне казнување на домаќините за стапката на прифаќање кога тие одбиваат несоодветни или нелегитимни барања?
Сфаќаме дека понекогаш може да добиете барања што очигледно го прекршуваат вашиот куќен ред или што всушност се маркетиншки обиди маскирани како барања за резервација. Ова може да ве стави во незгодна позиција да ризикувате да ѝ наштетите на сопствената стапка на прифаќање кога нема друго дејство што може да го преземете. За да го решиме ова, првото нешто што треба да го направиме е да ви помогнеме да пријавите кај нас кога има проблем. Истражуваме како најдобро да го направиме ова и иако немаме функција што би ја објавиле во моментов, свесни сме дека ова ве загрижува.

Сакаме да се увериме дека одлуката кого да пречекате во вашиот дом е во ваши раце и дека гостите кои престојуваат кај вас не прават да се чувствувате непријатно. Сфаќаме дека сакате да имате одговорност само за легитимните барања за резервација и посветени сме да се погрижиме тоа да се случи.

Бројките се само дел од приказната
Иако е добро да ги имате предвид брзината на одговор и стапката на прифаќање, овие мерења не се најважни. Всушност, тие се само показатели за вистинското гостопримство што им го покажувате на гостите и врската што ја воспоставувате кога тие ќе стапат во контакт со вас. Вие влијаете врз доживувањето на гостинот од моментот кога тој ќе стапи во контакт со вас или ќе испрати барање за резервација, а заедницата на домаќини со право се гордее со создавањето доживувања што им пружаат чувство на гостопримство и припадност на луѓето кои престојуваат во сместувањата. Затоа, да, погрижете се навремено да комуницирате и да им помогнете на гостите успешно да најдат сместување што одговара на нивните потреби, но знајте дека бројките се само еден од начините да ја раскажете приказната за тоа како угостувате.

Информациите содржани во оваа статија можеби се променети по објавувањето.