Како еден Супердомаќин станува посвесен за екологијата

Зборот „одржлив“ изгледа толку застрашувачки. Но вистина не е.

Штотуку усвоив секојдневни практики кои секоја нормална личност може да ги прифати. Компостирањето е одржлива навика која најверојатно им паѓа на памет на многу луѓе. Ако го можеш тоа, супер! Но јас не го правам тоа. Постојат многу лесни и погодни за буџетот начини за намалување, повеќекратна употреба и рециклирање.

Топките за сушење ми заштедија 10 до 15 минути на перење. Од големо значење е кога имам резервации една по друга. Не само што ја намалуваат потрошувачката на енергија, туку се и еколошки одговорна опција за повеќекратна употреба наместо листови за сушење за еднократна употреба. И од двете причини ќе ти заштедат пари.

Користам многу старовремски парчиња. Зошто да купите масовно произведен нов предмет кога постојат многу уникатни предмети за повеќекратна употреба кои се подобро изработени и имаат уникатен карактер? Само обновата на перничето за седење на столицата или додавањето на нов абажур на ламбата која собира прашина во гаражата има големо значење.

Опкружени сме со земјоделство, па сакам да им давам на гостите овошје и зеленчук од локалните земјоделци. Помага да ја поддржиме нашата заедница, се намалува нашиот јаглероден отпечаток со тоа што пазаруваме на локално ниво и ја подигнува свеста на нашите гости за изобилството што има да го понуди Окснард, Калифорнија.

The Beach Lodge е на два блока од зелениот пазар и на пет минути возење со автомобил од штандовите од фармите, па оставам торби за повеќекратна употреба за гостите кога ќе одат да пазарат.

Ние сме на 50 чекора оддалеченост од плажа која е највисоко оценета за чистота. За жал, сѐ повеќе и повеќе новите посетители на плажата го оставаат ѓубрето кое на крајот го загадува океанот. Сакам да се осигурам дека луѓето коишто престојуваат во нашата куќа не придонесуваат за тоа. Од таа причина обезбедуваме чаши за повеќекратна употреба и кутии за складирање.

Гледате дека многу домаќини ја подобруваат својата услуга оставајќи вино, но јас мислам дека одржливото угостување е друг начин да се остави посебен впечаток. Изборот на еколошко одговорни практики не само што ќе биде добар за планетата, туку може и да промовира одржливост кај вашите гости.

Се обидуваме да ги балансираме работите. Иако ја намалуваме употребата на хартија со примената на крпи, сепак оставаме ролна хартија за гостите да имаат избор. Сепак, ќе се погрижиме хартиените бришачи и тоалетна хартија да бидат направени од бамбус, рециклирана хартија или хартија сертифицирана од PEFC.

Одржливите вреќи за ѓубре се одлични на теорија, но моето истражување покажа дека вреќите на растителна основа можат да протечат и да се скинат од одредено ѓубре. Не можам да ризикувам да го правам тоа со гостите бидејќи не знам што фрлаат во ѓубре. Кујната ни е на третиот кат, па не би сакал торбите да се распаднат пред гостинот да стигне до кантите на приземје. Иако биоразградливите вреќи за ѓубре не одговараат во мојата ситуација, супер ќе биде ако ви одговараат вам.

Гостите често оставаат неотворена храна што може да се донира во локалните банки за храна. Тоа е лесен начин да им помогнете на оние на кои им е потребна помош во вашата заедница. Да, мора да ја однесете во банката за храна, но погледнете го позитивното влијание што може да го има.

Мојата цел оваа година е да им покажам на моите следбеници на Инстаграм дека сите овие работи се остварливии одржливи. Се надеваме дека не само што дојдените гости ќе ја ценат мислата зад нашите одржливи практики, туку и домаќините кои нѐ следат ќе го разберат влијанието што одржливоста може да го има во нивните домови.

СЛЕДНО: Како домаќините на Airbnb ги прават своите домови поодржливи

Информациите што ги содржи статијава може да се промениле по објавувањето.